ನವದೆಹಲಿ: ಎಂಟು ವರ್ಷಗಳ ಕಾಲ ಪ್ಯೂಮಾದ ಅಂಬಾಸಡರ್ ಆಗಿದ್ದ ಕ್ರಿಕೆಟರ್ ಕೊಹ್ಲಿ, ಒಪ್ಪಂದದ ಅವಧಿ ಮುಗಿಯುತ್ತಿದ್ದಂತೆ ಅಜಿಲಿಟಾಸ್ ಸ್ಪೋರ್ಟ್ಸ್ ಸಂಸ್ಥೆಗೆ ಬ್ರ್ಯಾಂಡ್ ಅಂಬಾಸಡರ್ ಆಗಲಿದ್ದಾರೆ.
೨೦೧೭ರಿಂದ ಪ್ಯೂಮಾದ ಅಂಬಾಸಡರ್ ಆಗಿದ್ದ ಕೊಹ್ಲಿ, 110 ಕೋಟಿ ರೂ ಡೀಲ್ ಮಾಡಿಕೊಂಡಿದ್ದರು. ಈಗ ಒಪ್ಪಂದದ ಅವಧಿ ಮುಗಿದಿದ್ದು, ಎಜಿಲಿಟಾಸ್ ಜೊತೆ ಕೈಜೋಡಿಸಿದ್ದಾರೆ. ಅಂಬಾಸಡರ್ ಆಗಿರುವ ಜೊತೆಗೆ ಕೊಹ್ಲಿ ಎಜಿಲಿಟಾಸ್ ಕಂಪನಿಯಲ್ಲಿ ಪಾಲುದಾರರೂ ಆಗಿದ್ದಾರೆ.
ಪ್ಯೂಮಾದ ಮಾಜಿ ಅಧಿಕಾರಿಯೇ ಎಜಿಲಿಟಾಸ್ ಸ್ಪೋರ್ಟ್ಸ್ ಸಂಸ್ಥೆಯ ಸಂಸ್ಥಾಪಕರಾಗಿದ್ದಾರೆ. ಕಳೆದ ಒಂದು ವರ್ಷದಲ್ಲಿ ಎಜಿಲಿಟಾಸ್ ಕೆಲ ಕಂಪನಿಗಳನ್ನು ಖರೀದಿಸಿದ್ದು, ತನ್ನ ಉತ್ಪಾದನಾ ಸಾಮರ್ಥ್ಯವನ್ನು ವೃದ್ಧಿಸಿಕೊಂಡು ಇನ್ನಷ್ಟು ಕಂಪನಿಗಳನ್ನು ತನ್ನ ತೆಕ್ಕೆಗೆ ತೆಗೆಡುಕೊಳ್ಳುವ ಸಾಧ್ಯತೆಯಿದೆ.