ನವದೆಹಲಿ: ಜಗತ್ತು ಅನೇಕ ಸವಾಲುಗಳನ್ನು ಎದುರಿಸುತ್ತಿರುವ ಸಂದರ್ಭದಲ್ಲಿ, ಯಾವುದೂ ಅಸಾಧ್ಯವಲ್ಲವೆಂದು ಭಾರತ ತನ್ನ ಸಾಧನೆಗಳ ಮೂಲಕ ತೋರಿಸುತ್ತಿದೆ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಮಂಗಳವಾರ ಹೇಳಿದರು.
ಇದು ಜನರ ಮತದಿಂದ ಸಾಧ್ಯವಾಗಿದೆ ಎಂದ ಮೋದಿ, ʼಎಂತಹ ಕಷ್ಟಕರ ಗುರಿಯಿದ್ದರೂ ಭಾರತ ಅದನ್ನು ಖಂಡಿತ ಮುಟ್ಟುತ್ತದೆ. ಈ ಸ್ಪೂರ್ತಿಯೊಂದಿಗೆ ನಾವು ಅಭಿವೃದ್ಧಿ ಹೊಂದಿದ ಭಾರತವಾಗುವತ್ತ ಸಾಗುತ್ತಿದ್ದೇವೆʼ ಎಂದರು.
ಕಾಂಗ್ರೆಸ್ ಅನ್ಯ ದೇಶಗಳಿಂದ ಸಹಾಯ ಕೇಳುತ್ತಿದ್ದ ಸಮಯವೊಂದಿತ್ತು ಎಂದ ಅವರು, ಕೋವಿಡ್ ಸಮಯದಲ್ಲಿ ಭಾರತ ಪ್ರಪಂಚಕ್ಕೇ ಔಷಧಿ ಹಾಗು ಲಸಿಕೆಗಳನ್ನು ಒದಗಿಸಿದ್ದನ್ನು ಸೇರಿದಂತೆ ಚಂದ್ರಯಾನ-೩ರ ಯಶಸ್ವಿ ಉಡಾವಣೆ, ದೇಶದ ಆರ್ಥಿಕ ಬೆಳವಣಿಗೆ, ಜಿ-೨೦ ಸಮ್ಮೇಳನಗಳ ಯಶಸ್ಸನ್ನು ಉಲ್ಲೇಖಿಸಿದರು.