ನವದೆಹಲಿ: ಜಗತ್ತಿನ ಪ್ರಮುಖ ಅಕ್ಕಿ ರಫ್ತುದಾರ ಭಾರತವು ಅಕ್ಕಿಯ ಮೇಲಿನ ರಫ್ತು ನಿಷೇಧಿಸಿದ ನಂತರ ಜಾಗತಿಕ ಮಾರುಕಟ್ಟೆಯಲ್ಲಿ ಅಕ್ಕಿ ದರ ಭಾರಿ ಏರಿಕೆ ಕಂಡಿದೆ. ಜಾಗತಿಕ ಅಕ್ಕಿ ಬೆಲೆ ಆಗಸ್ಟ್‌ನಲ್ಲಿ 15 ವರ್ಷಗಳ ಗರಿಷ್ಠ ಮಟ್ಟವನ್ನು ತಲುಪಿದೆ ಎಂದು ಆಹಾರ ಮತ್ತು ಕೃಷಿ ಸಂಸ್ಥೆ ಇಂದು(ಸೆ.08) ತಿಳಿಸಿದೆ.
ಜಾಗತಿಕ ಆಹಾರ ಬೆಲೆಗಳು ಭಾರಿ ಏರಿಕೆಯಾಗುತ್ತಿದ್ದು, ಹಿಂದಿನ ತಿಂಗಳಿಗೆ ಹೋಲಿಸಿದರೆ ಅಕ್ಕಿಯ ದರವು 9.8 ಪ್ರತಿಶತದಷ್ಟು ಏರಿಕೆಯಾಗಿದೆ. ಭಾರತದಿಂದ ಇಂಡಿಕಾ ಬಿಳಿ ಅಕ್ಕಿ ರಫ್ತು ಮೇಲಿನ ನಿಷೇಧದ ನಂತರದ ವ್ಯಾಪಾರದ ಅಡೆತಡೆಗಳನ್ನು ಪ್ರತಿಬಿಂಬಿಸುತ್ತದೆ ಎಂದು ಎಫ್‌ಎಒ ಮಾಸಿಕ ವರದಿಯಲ್ಲಿ ತಿಳಿಸಿದೆ.
ಭಾರತವು ಜುಲೈನಲ್ಲಿ ಬಾಸ್ಮತಿ ಅಲ್ಲದ ಬಿಳಿ ಅಕ್ಕಿಯ ರಫ್ತಿನ ಮೇಲೆ ನಿಷೇಧವನ್ನು ಘೋಷಿಸಿತು. ಈ ಕ್ರಮವು ಸಮರ್ಪಕ ಲಭ್ಯತೆಯನ್ನು ಖಚಿತಪಡಿಸುತ್ತದೆ ಮತ್ತು ದೇಶೀಯ ಮಾರುಕಟ್ಟೆಯಲ್ಲಿನ ಬೆಲೆಗಳ ಏರಿಕೆಯನ್ನು ಕಡಿಮೆ ಮಾಡುತ್ತದೆ ಎಂದು ಗ್ರಾಹಕ ವ್ಯವಹಾರಗಳು ಮತ್ತು ಆಹಾರ ಸಚಿವಾಲಯವು ಆ ಸಮಯದಲ್ಲಿ ಹೇಳಿದೆ.
