ನವದೆಹಲಿ: ಭಾರತದಲ್ಲಿ 315 ಮಿಲಿಯನ್ ಜನರು ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದಾರೆ. 101 ಮಿಲಿಯನ್ ಜನರು ಮಧುಮೇಹದಿಂದ ಬಳಲುತ್ತಿದ್ದಾರೆ ಎಂದು ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ದಿ ಲ್ಯಾನ್ಸೆಟ್ ಡಯಾಬಿಟಿಸ್ ಮತ್ತು ಎಂಡೋಕ್ರೈನಾಲಜಿ ಜರ್ನಲ್‌ ವರದಿಯಲ್ಲಿ ಹೇಳಿದೆ.
136 ಮಿಲಿಯನ್ ಭಾರತೀಯರು ಮಧುಮೇಹ, 213 ಮಿಲಿಯನ್ ಜನರು ಅಧಿಕ ಕೊಲೆಸ್ಟ್ರಾಲ್‌ನೊಂದಿಗೆ ಬದುಕುತ್ತಿದ್ದಾರೆ. 185 ಮಿಲಿಯನ್ ಅಧಿಕ ಜನರು ಎಲ್‌ಡಿಎಲ್ ಕೊಲೆಸ್ಟ್ರಾಲ್ ಅಥವಾ ಕೆಟ್ಟ ಕೊಲೆಸ್ಟ್ರಾಲ್‌ನಿಂದ ಬಳಲುತ್ತಿದ್ದಾರೆ. 254 ಮಿಲಿಯನ್ ಜನರು ಸಾಮಾನ್ಯ ಬೊಜ್ಜು ಮತ್ತು 351 ಮಿಲಿಯನ್ ಜನರು ಹೊಟ್ಟೆಯ ಬೊಜ್ಜು ಹೊಂದಿದ್ದಾರೆ ಎಂದು ಅಧ್ಯಯನ ಹೇಳಿದೆ.
ಅಧ್ಯಯನವು 1,13,043 ಜನರ ಸಮೀಕ್ಷೆಯನ್ನು ಆಧರಿಸಿದ್ದು,33,537 ನಗರ ಮತ್ತು 79,506 ಗ್ರಾಮೀಣರ ಸಮೀಕ್ಷೆ ಮಾಡಲಾಗಿದೆ. ಸಾಂಕ್ರಾಮಿಕವಲ್ಲದ ರೋಗಗಳ ದರಗಳು ಭಾರತದಲ್ಲಿ ವೇಗವಾಗಿ ಹೆಚ್ಚುತ್ತಿವೆ ಎಂದು ವರದಿ ಹೇಳಿದೆ.
