ಪ್ರಧಾನಿ ನರೇಂದ್ರ ಮೋದಿ ಇನ್ಫೋಸಿಸ್ ಫೌಂಡೇಶನ್ನ 806 ಹಾಸಿಗೆಯುಳ್ಳ ‘ವಿಶ್ರಾಮ ಸದನ’ವನ್ನು ಇಂದು ಉದ್ಘಾಟಿಸಲಿದ್ದಾರೆ. ಕ್ಯಾನ್ಸರ್ ರೋಗಿಗಳ ಜೊತೆ ಇರುವವರು ದೀರ್ಘಕಾಲ ಆಸ್ಪತ್ರೆಯಲ್ಲಿಯೇ ಇರಬೇಕಿದ್ದು, ಅವರ ಬಗ್ಗೆಯೂ ವಿಶೇಷ ಕಾಳಜಿ ವಹಿಸಲಾಗಿದೆ. ಈ ಆಸ್ಪತ್ರೆಯಲ್ಲಿ ರೋಗಿಗಳ ಜೊತೆ ಇರುವವರಿಗೂ ಎಸಿ ವ್ಯವಸ್ಥೆ ಇರುವ ವಸತಿ ಸೌಕರ್ಯ ಮಾಡಲಾಗಿದೆ.
ನವದೆಹಲಿಯ ಜಜ್ಜರ್ ಕ್ಯಾಂಪಸ್ನಲ್ಲಿರುವ ನ್ಯಾಷನಲ್ ಕ್ಯಾನ್ಸರ್ ಇನ್ಸ್ಟಿಟ್ಯೂಟ್ನ ವಿಶ್ರಾಮ ಸದನವನ್ನು ಇಂದು ಪ್ರಧಾನಿ ಮೋದಿ ವಿಡಿಯೋ ಕಾನ್ಫರೆನ್ಸ್ ಮೂಲಕ ಉದ್ಘಾಟಿಸಲಿದ್ದಾರೆ. 806 ಹಾಸಿಗೆ ಇರುವ ಈ ವಿಶ್ರಾಮ ಸದನವು ಇನ್ಫೋಸಿಸ್ ಕಾರ್ಪೋರೇಟ್ನ ಸಾಮಾಜಿಕ ಹೊಣೆಗಾರಿಕೆಯ ಒಂದು ಭಾಗವಾಗಿದ್ದು, ರೋಗಿಗಳ ಜೊತೆ ಇರುವವರಿಗೆ ಹವಾನಿಯಂತ್ರಿತ ವಸತಿ ಸೌಕರ್ಯ ಒದಗಿಸುತ್ತದೆ.
ವಿಶ್ರಾಮ ಸದನವು ಸುಮಾರು 93 ಕೋಟಿ ವೆಚ್ಚದಲ್ಲಿ ತಯಾರಾಗಿದೆ. ಇದು ಆಸ್ಪತ್ರೆ ಮತ್ತೆ ಎನ್ಸಿಐನ ಪಿಡಿಒ ಬ್ಲಾಕ್ನ ಸಮೀಪದಲ್ಲೇ ಇದೆ. ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಮನ್ಸುಖ್ ಮಾಂಡವೀಯ, ಹರಿಯಾಣ ಮುಖ್ಯಮಂತ್ರಿ ಮನೋಹರ್ಲಾಲ್ ಖಟ್ಟರ್ ಮತ್ತು ಇನ್ಫೋಸಿಸ್ ಅಧ್ಯಕ್ಷೆ ಸುಧಾಮೂರ್ತಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ.