ದೇಶದ ಅನೇಕ ವಿವಿಐಪಿಗಳ ಭದ್ರತೆಗೆಂದು ಇದೇ ಮೊದಲ ಬಾರಿಗೆ ಮಹಿಳಾ ಕಮಾಂಡೋಗಳನ್ನು ಕೇಂದ್ರ ಮೀಸಲು ಪೊಲೀಸ್ ಪಡೆ ಸಜ್ಜುಗೊಳಿಸುತ್ತಿದೆ. ಮೊದಲ ಬ್ಯಾಚ್ ಇದಾಗಿದ್ದು, ಮಹಿಳಾ ಸಿಬ್ಬಂದಿಯ ಪಡೆ 10 ವಾರಗಳ ತರಬೇತಿ ಆರಂಭಿಸಿದೆ.
ತರಬೇತಿಯಲ್ಲಿ 33 ಮಹಿಳೆಯರಿದ್ದಾರೆ. ಕಟ್ಟುನಿಟ್ಟಿನ ಪ್ರಕ್ರಿಯೆಗಳನ್ನು ದಾಟಿ ಈ 33 ಮಂದಿಯನ್ನು ಆರಿಸಲಾಗಿದೆ. ಇವರಲ್ಲಿ ಸಿಬ್ಬಂದಿ, ಸಬ್ಇನ್ಸ್ಪೆಕ್ಟರ್ವರೆಗೂ ಭಿನ್ನ ಸಾಮರ್ಥ್ಯಗಳಲ್ಲಿ ಕೆಲಸ ನಿರ್ವಹಿಸುವವರಿದ್ದಾರೆ.
ಗ್ರೇಟರ್ ನೊಯ್ಡಾದಲ್ಲಿ ತರಬೇತಿ ನಡೆಯುತ್ತಿದ್ದು, ಎಕೆ-47 ಮತ್ತು ಸುಸಜ್ಜಿತ ಶಸ್ತ್ರಗಳನ್ನು ತರಬೇತಿಗೆ ಬಳಸಲಾಗುತ್ತಿದೆ. ಮಹಿಳೆಯರ ಆರು ಬೆಟಾಲಿಯನ್ಗಳನ್ನು ಸಿಆರ್ಪಿಎಫ್ ಹೊಂದಿದೆ. ಸದ್ಯಕ್ಕೆ ಜಮ್ಮು ಮತ್ತು ಕಾಶ್ಮೀರ, ಅಯೋಧ್ಯೆ, ಮಣಿಪುರ, ಅಸ್ಸಾಂ ಹಾಗೂ ಇತರೆ ಭಾಗಗಳಲ್ಲಿ ಕರ್ತವ್ಯಕ್ಕೆ ತನ್ನ ಮಹಿಳಾ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ.