ಶನಿವಾರದಂದು, ಗುರುಗ್ರಾಮದಲ್ಲಿರುವ ರೆಸಿಡೆನ್ಷಿಯಲ್ ಸೊಸೈಟಿಯಲ್ಲಿದ್ದ ಈ ವ್ಯಕ್ತಿ ಮಕ್ಕಳಿಗೆ ಪಾಕಿಸ್ತಾನ ಪರ ಘೋಷಣೆ ಕೂಗುವಂತೆ ಕೇಳುತ್ತಿದ್ದ.
ಡಿಸಿಪಿ ಧೀರಜ್ ಸೇತಿಯಾ ಈ ಘಟನೆ ಬಗ್ಗೆ ಎಎನ್ಐ ಗೆ ಮಾಹಿತಿ ನೀಡಿದ್ದು, ಇಂಪೀರಿಯಲ್ ಗಾರ್ಡನ್ ಸೊಸೈಟಿಯ ನಿವಾಸಿ ಪಾಕ್ ಪರ “ಪಾಕಿಸ್ತಾನ್ ಜಿಂದಾಬಾದ್” ಎಂಬ ಘೋಷಣೆ ಕೂಗಿರುವ ವಿಡಿಯೋ ವೈರಲ್ ಆಗತೊಡಗಿದೆ.
ಈ ವ್ಯಕ್ತಿ ವಿರುದ್ಧ ದೂರು ನೀಡಿದ್ದ ನೆರೆ ಮನೆಯವರ ವಿರುದ್ಧ ಅನ್ವರ್ ಸಯೀದ್ ಫೈಜುಲ್ಲಾ ಹಶ್ಮಿಯ ಪತ್ನಿ ಪ್ರತಿ ದೂರು ನೀಡಿದ್ದು, ತನ್ನ ಪತಿ ಖಿನ್ನತೆಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಹೇಳಿದ್ದಾರೆ.
ಸೊಸೈಟಿಯ ಇತರ ನಿವಾಸಿಗಳ ವಿರುದ್ಧ ತಮಗೆ ಕಿರುಕುಳ ನೀಡುತ್ತಿರುವ ಆರೋಪವನ್ನೂ ಹಶ್ಮಿಯ ಪತ್ನಿ ಹೊರಿಸಿದ್ದಾರೆ. ಅಷ್ಟೇ ಅಲ್ಲದೇ ತನ್ನ ಪತಿ ವಿರುದ್ಧವೂ ಆಕೆ ಕೌಟುಂಬಿಕ ದೌರ್ಜನ್ಯದ ಪ್ರಕರಣ ದಾಖಲಿಸಿದ್ದಾರೆ.
“ಅನ್ವರ್ ನಿಜವಾಗಿಯೂ ಮಾನಸಿಕ ಸಮಸ್ಯೆ ಎದುರಿಸುತ್ತಿರುವ ವ್ಯಕ್ತಿಯಾಗಿದ್ದಾನಾ? ಎಂಬ ಬಗ್ಗೆಯೂ ತನಿಖೆ ನಡೆಯುತ್ತಿದೆ” ಎಂದು ಪೊಲೀಸರು ತಿಳಿಸಿದ್ದಾರೆ.