ನವದೆಹಲಿ: ಕೋವಿಡ್‌ ನಿರೋಧಕ ಲಸಿಕೆ ಪಡೆದ ನಾಗರಿಕರು ಇನ್ನು ಮುಂದೆ ವಾಟ್ಸ್‌ಆ್ಯಪ್‌ ಮೂಲಕವೇ ಕೆಲವೇ ಸೆಕೆಂಡ್‌ಗಳಲ್ಲಿ ಪ್ರಮಾಣಪತ್ರ ಪಡೆದುಕೊಳ್ಳಬಹುದು ಎಂದು ಕೇಂದ್ರ ಆರೋಗ್ಯ ಸಚಿವರ ಕಚೇರಿ ತಿಳಿಸಿದೆ.
ವಾಟ್ಸ್‌ಆ್ಯಪ್‌ ಸಂಖ್ಯೆ +91-9013151515 ಅನ್ನು ಮೊಬೈಲ್‌ನಲ್ಲಿ ’ಸೇವ್‌’ ಮಾಡಿಕೊಳ್ಳಬೇಕು. ನಂತರ, ‘covid certificate’ ಎಂದು ವಾಟ್ಸ್‌ಆ್ಯಪ್‌ ಮೂಲಕವೇ ಸಂದೇಶ ಕಳುಹಿಸಬೇಕು.
ಈ ಸಂದೇಶ ಕಳುಹಿಸಿದ ತಕ್ಷಣ ಮೊಬೈಲ್‌ಗೆ ‘ಒಟಿಪಿ’ ಬರಲಿದೆ. ‘ಒಟಿಪಿ’ ನಮೂದಿಸಿದರೆ ಕೆಲವೇ ಸೆಕೆಂಡ್‌ಗಳಲ್ಲಿ ವಾಟ್ಸ್‌ಆ್ಯಪ್‌ನಲ್ಲಿ ಪ್ರಮಾಣಪತ್ರ ಲಭ್ಯವಾಗಲಿದೆ.
ಸದ್ಯ ಕೋವಿನ್‌ ಪೋರ್ಟಲ್‌ ಮೂಲಕ ಪ್ರಮಾಣಪತ್ರ ಪಡೆದುಕೊಳ್ಳುವ ವ್ಯವಸ್ಥೆ ಇದೆ.
