ಅಥೆನ್ಸ್: ನೈರುತ್ಯ ಗ್ರೀಸ್ನಲ್ಲಿ ನಿರಾಶ್ರಿತರು ಮತ್ತು ವಲಸಿಗರನ್ನು ಸಾಗಿಸುತ್ತಿದ್ದ ಮೀನುಗಾರಿಕಾ ದೋಣಿ ಮುಳುಗಿ 59 ಮಂದಿ ಸಾವನಪ್ಪಿದ್ದಾರೆ ಎಂದು ಗ್ರೀಕ್ ರಾಷ್ಟ್ರೀಯ ಪ್ರಸಾರಕ ಇಆರ್ಟಿ ವರದಿ ಮಾಡಿದೆ.
ಒಟ್ಟು 104 ಪ್ರಯಾಣಿಕರನ್ನು ರಕ್ಷಿಸಲಾಗಿದ್ದು, ಇನ್ನೂ ನಾಪತ್ತೆಯಾದವರ ಪತ್ತೆಗಾಗಿ ಶೋಧ ಮತ್ತು ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ. ಬುಧವಾರ ರಾತ್ರಿ ಸಮಯದಲ್ಲಿ ಪೈಲೋಸ್ ಪಟ್ಟಣದ ಕರಾವಳಿಯಿಂದ 47 ನಾಟಿಕಲ್ ಮೈಲಿ ದೂರದಲ್ಲಿರುವ ಅಂತರರಾಷ್ಟ್ರೀಯ ಜಲಪ್ರದೇಶದಲ್ಲಿ ಈ ಘಟನೆ ಸಂಭವಿಸಿದೆ. ಮೀನುಗಾರಿಕಾ ದೋಣಿ ಲಿಬಿಯಾದ ಟೊಬ್ರೂಕ್ನಿಂದ ಹೊರಟು ಇಟಲಿಗೆ ಹೋಗುತ್ತಿತ್ತು ಎಂದು ಬದುಕುಳಿದವರು ಅಧಿಕಾರಿಗಳಿಗೆ ತಿಳಿಸಿದ್ದಾರೆ. 2015 ರಿಂದ ಗ್ರೀಸ್ ನಿರಾಶ್ರಿತರ ಮತ್ತು ವಲಸಿಗರ ಕೇಂದ್ರವಾಗಿ ಪರಿವರ್ತನೆಯಾಗುತ್ತಿದೆ. ಅಕ್ರಮ ವಲಸಿಗರು ಗ್ರೀಸ್ಗೆ ತೆರಳುವ ವೇಳೆ
ಹಲವು ಬಾರಿ ಅವಘಡಗಳು ಸಂಭವಿಸಿವೆ.