ಟೆಹ್ರಾನ್: ಇಂದು ಮುಂಜಾನೆ ಇರಾನ್ ರಾಜಧಾನಿಯ ಮೇಲೆ ಇಸ್ರೇಲ್ ನಡೆಸಿದ ವೈಮಾನಿಕ ದಾಳಿಯ ನಂತರ ಇದೀಗ ಟೆಹ್ರಾನ್ನ ಮೆಹ್ರಾಬಾದ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ ದೊಡ್ಡ ಸ್ಫೋಟಗಳು ಮತ್ತು ಬೆಂಕಿ ಕಾಣಿಸಿಕೊಂಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ದೇಶದ ಪ್ರಾಥಮಿಕ ಅಂತರರಾಷ್ಟ್ರೀಯ ಕೇಂದ್ರ ಟೆಹ್ರಾನ್ನ ವಿಮಾನ ನಿಲ್ದಾಣದ ಸಮೀಪವಿರುವ ಪ್ರದೇಶವನ್ನು ಇಸ್ರೇಲ್ ದಾಳಿ ನಡೆಸಿ ಹೊಡೆದಿದೆ ಎಂದು ಇರಾನ್ ರಾಜ್ಯ ಮಾಧ್ಯಮ ವರದಿ ಮಾಡಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ವೀಡಿಯೊಗಳಲ್ಲಿ ರಾತ್ರಿಯ ವೇಳೆ ಭೀಕರ ಸ್ಫೋಟದಿಂದಾಗಿ ಕೆಂಪು ಬಣ್ಣದಲ್ಲಿ ಆಕಾಶ ಬೆಳಗುವುದು ಕಾಣಿಸಿಕೊಂಡಿದೆ. ಜೊತೆಗೆ ಪ್ರದೇಶದಿಂದ ದಟ್ಟವಾದ ಹೊಗೆ ಏರುತ್ತಿರುವುದು ಕಾಣಿಸಿಕೊಂಡಿದೆ.
ವಿಮಾನ ನಿಲ್ದಾಣದ ಬಳಿ ವಾಸಿಸುವ ನಿವಾಸಿಗಳು, ರಸ್ತೆಯ ಮೇಲೆ ನಿಲ್ಲಿಸಲಾಗಿದ್ದ ವಾಣಿಜ್ಯ ವಿಮಾನಗಳು ಉರಿಯುತ್ತಿರುವಂತೆ ಕಾಣುತ್ತಿದ್ದವು, ಹಾಗೆಯೇ ಬೃಹತ್ ಬೆಂಕಿಯ ಉಂಡೆ ಮತ್ತು ದಟ್ಟವಾದ ಹೊಗೆಯಿಂದ ಗಾಳಿ ತುಂಬಿತ್ತು ಎಂದು ಹೇಳಿದ್ದಾರೆ. ಭೀಕರ ದಾಳಿಯಿಂದ ರಾತ್ರಿಯಿಡೀ ಭೂಮಿ ನಡುಗಿದಂತಹ ಅನುಭವವಾಗುತ್ತಿತ್ತು. ಪ್ರಬಲ ಸ್ಫೋಟಗಳಿಂದಾಗಿ ದೊಡ್ಡ ಪ್ರಮಾಣದ ಸದ್ದುಗಳು ಕೇಳಿಸುತ್ತಿತ್ತು ಎಂದು ಜನರು ವಿವರಿಸಿದ್ದಾರೆ.
ಇಸ್ರೇಲಿ ಸೇನೆಯು ಟೆಹ್ರಾನ್ನಲ್ಲಿ ಆಡಳಿತ ಸಂಬಂಧಿತ ಸ್ಥಳಗಳನ್ನು ಗುರಿಯಾಗಿಸಿಕೊಂಡು ವ್ಯಾಪಕ ಸರಣಿ ದಾಳಿಗಳನ್ನು ನಡೆಸಿದೆ ಎಂದು ಹೇಳಿದೆ. ಪ್ರತ್ಯಕ್ಷದರ್ಶಿಗಳು ಇದನ್ನು ಯುದ್ಧ ಪ್ರಾರಂಭವಾದ ನಂತರದ ಅತ್ಯಂತ ಭಯಾನಕ ರಾತ್ರಿ ಎಂದು ಬಣ್ಣಿಸಿದ್ದಾರೆ. ಬಾಂಬ್ ದಾಳಿಯು ತಾವು ಮೊದಲು ಅನುಭವಿಸಿದ್ದಕ್ಕಿಂತ ಹೆಚ್ಚು ತೀವ್ರವಾಗಿದೆ ಎಂದು ತಿಳಿಸಿದ್ದಾರೆ.