ಬಾರ್ಬಿ ಸಿನಿಮಾ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ವಿಶ್ವದಾದ್ಯಂತ ಬಾರ್ಬಿ ಸಿನಿಮಾ ರಿಲೀಸ್ ಆಗಿದ್ದು ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಜುಲೈ 21ರಂದು ಬಾರ್ಬಿ ಸಿನಿಮಾ ರಿಲೀಸ್ ಆಗಿದೆ. ‘ಬಾರ್ಬಿ’ ಸಿನಿಮಾದಲ್ಲಿ ಜನಪ್ರಿಯ ಗೊಂಬೆ ಬಾರ್ಬಿಯ ಫ್ಯಾಂಟಸಿ ಕತೆಯನ್ನು ಒಳಗೊಂಡಿದ್ದು, ಒಂದೊಮ್ಮೆ ಬಾರ್ಬಿ ತನ್ನ ಬೊಂಬೆಗಳ ಲೋಕದಿಂದ ಭೂಮಿಗೆ ಬಂದರೆ ಏನಾಗಬಹುದು ಎಂಬ ಕತೆಯನ್ನು ಇರಿಸಿಕೊಂಡು ಸಿನಿಮಾ ಮಾಡಲಾಗಿದೆ.
ಬಳಿಕ ಜುಲೈ 21 ರಂದು ಬಿಡುಗಡೆಯಾದ ಬಾರ್ಬಿ ಇಡೀ ಜಗತ್ತನ್ನು ಗುಲಾಬಿ ಜ್ವರಕ್ಕೆ ಕೆಡವಿಕೊಳ್ಳುವಲ್ಲಿ ಯಶಸ್ವಿಯಾಗುತ್ತಿದೆ. ಪಿಂಕ್ ಗೂಗಲ್, ಪಿಂಕ್ ಎಆರ್‌ಬಿಎನ್‌ಬಿ, ಪಿಂಕ್ ಬರ್ಗರ್ ಹೀಗೆ… ಇದೀಗ ಜೋ ಬೈಡನ್ ಮತ್ತು ಒಬಾಮಾ ಅವರ ಬಾರ್ಬಿ ಎಐ ಚಿತ್ರವನ್ನು ಬೈಡೆನ್ ಆಡಳಿತದಲ್ಲಿ ರಾಷ್ಟ್ರೀಯ ಹಣಕಾಸು ಅಧ್ಯಕ್ಷರಾಗಿದ್ದ ಜಾನ್ ಕೂಪರ್ ಟ್ವೀಟ್ ಮಾಡಿ ಟ್ರೋಲ್ ಮಾಡುತ್ತಿದ್ದಾರೆ.
ಅನೇಕರು ಈ ಟ್ವೀಟಿನಡಿ ಪ್ರತಿಕ್ರಿಯಿಸುತ್ತಿದ್ದಾರೆ. ನಕ್ಕು ನಕ್ಕು ಹೊಟ್ಟೆ ಕರಗಿಸಿಕೊಳ್ಳಲು ಇದಕ್ಕಿಂತ ಒಳ್ಳೆಯ ಚಿತ್ರ ಬೇಕೇ? ಎಂದಿದ್ದಾರೆ ಒಬ್ಬರು. ಇದು ಅದ್ಭುತ, ಇದು ನಿಜವಾಗಲಿ ಎಂದಿದ್ದಾರೆ ಇನ್ನೊಬ್ಬರು. ಆದರೆ ಎಐ ಕಲಾವಿದರ ಈ ಸರಣಿಚಿತ್ರಗಳ ಕುರಿತು ಕೆಲವರು ಬೇಸರ ವ್ಯಕ್ತಪಡಿಸಿದ್ದಾರೆ. ಬಾರ್ಬಿ ಹೆಸರಿನಲ್ಲಿ ಇಂಥವರನ್ನೆಲ್ಲ ನೋಡುತ್ತಿರುವುದು ನಿರಾಶೆ ಉಂಟು ಮಾಡುತ್ತಿದೆ. ನಿಜಕ್ಕೂ ಶೋಚನೀಯ ಎಂದಿದ್ದಾರೆ.
Barack and Joe trolling Republicans — love it!! 🩷🩷 pic.twitter.com/qgn9L2Sbs8
— Jon Cooper (@joncoopertweets) July 24, 2023
