ಮುಂಬಯಿ: ಇಲ್ಲಿನ ಹೊರವಲಯದ ಉರಾನ್ ನಲ್ಲಿರುವ ಒಎನ್ ಜಿಸಿ ಘಟಕದಲ್ಲಿ ಬೆಂಕಿ ಆಕಸ್ಮಿಕ ಸಂಭವಿಸಿ ಮೂರು ಮಂದಿ ಮೃತಪಟ್ಟಿದ್ದಾರೆ ಎಂದು ವರದಿಗಳು ಹೇಳಿವೆ.
ಇಂದು ಬೆಳಗ್ಗೆ ಸುಮಾರು 7.20 ಗಂಟೆಗೆ ಬೆಂಕಿ ಅವಘಡವು ಸಂಭವಿಸಿದ್ದು, ಅಗ್ನಿಶಾಮಕ ದಳದವರು ಬೆಂಕಿ ನಂದಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ.
ಯಾವುದೇ ದೊಡ್ಡ ಮಟ್ಟದ ಅನಾಹುತ ಸಂಭವಿಸದಂತೆ ಸುತ್ತಲಿನ ಜನರನ್ನು ಸ್ಥಳಾಂತರಿಸಲಾಗಿದೆ.
ಅಗ್ನಿ ಅವಘಡದ ಬಗ್ಗೆ ಒಎನ್ ಜಿಸಿ ಟ್ವಿಟ್ರ್ ನಲ್ಲಿ ಬರೆದು ದೃಢಪಡಿಸಿದೆ.