ಬೆಂಗಳೂರು: ಯುಪಿಐ (ಯುನಿಫೈಡ್‌ ಪೇಮೆಂಟ್‌ ಇಂಟರ್ಫೇಸ್) ಆನ್ಲೈನ್ ಪಾವತಿ ವ್ಯವಸ್ಥೆಯು ಮುಂದಿನ ಎರಡು ದಿನಗಳವರೆಗೆ ರಾತ್ರಿ 1 ರಿಂದ 3 ರವರೆಗೆ ಸೂಕ್ತ ರೀತಿಯಲ್ಲಿ ಕಾರ್ಯನಿರ್ವಹಿಸುವುದಿಲ್ಲ ಎಂದು ರಾಷ್ಟ್ರೀಯ ಪಾವತಿ ನಿಗಮ (ಎನ್‌ಪಿಸಿಐ) ಗುರುವಾರ ಹೇಳಿದೆ.
ಯುಪಿಐ ವಹಿವಾಟುಗಳಲ್ಲಿ ಕೆಲವೊಂದು ಬದಲಾವಣೆ ಹಾಗೂ ಅಪ್ಡೇಟ್ಸ್ ಗಳನ್ನು ಮಾಡುವ ಹಿನ್ನೆಲೆಯಲ್ಲಿ ಯುಪಿಐ ಮುಂದಿನ ಕೆಲವು ದಿನಗಳವರೆಗೆ ರಾತ್ರಿ 1ರಿಂದ 3ರ ವರೆಗೆ ನವೀಕರಣ ಪ್ರಕ್ರಿಯೆ ನಡೆಸಲಾಗುವುದಿಲ್ಲ. ಆದ್ದರಿಂದ ಅವಧಿಗಳಲ್ಲಿ ಗ್ರಾಹಕರು ಯಾವುದೇ ಪಾವತಿಗಳನ್ನು ಮಾಡಬಾರದು ಅಥವಾ ಪಾವತಿಯನ್ನು ಮುಂದೂಡುವಂತೆಯೂ ರಾಷ್ಟ್ರೀಯ ಪಾವತಿ ನಿಗಮ ವಿನಂತಿಸಿಕೊಂಡಿದೆ.
ಗೂಗಲ್‌ ಪೇ, ಫೋನ್‌ ಪೇ ಸೇರಿದಂತೆ ಪ್ರಮುಖ ಡಿಜಿಟಲ್‌ ಪಾವತಿ ವ್ಯವಸ್ಥೆಗಳು ಯುಪಿಐ ಮೂಲಕವೇ ಕಾರ್ಯನಿರ್ವಹಣೆ ಮಾಡುವುದರಿಂದ, ಆ ಸಮಯದಲ್ಲಿ ಯಾವುದೇ ಹಣದ ವಹಿವಾಟು ನಡೆಸಲು ಸಾಧ್ಯವಾಗುವುದಿಲ್ಲ.
