ಭಾರತ ಜಾಗತಿಕ ಮಟ್ಟದಲ್ಲಿ ಬೆಳೆಯುತ್ತಿದ್ದು, ಇದೀಗ ಭಾರತ ದುಬೈನ ಎರಡನೇ ಅತಿದೊಡ್ಡ ವ್ಯಾಪಾರ ಪಾಲುದಾರಿಕೆ ಹೊಂದುವ ಮೂಲಕ ವಿಶ್ವದ ದೊಡ್ಡಣ್ಣ ಅಮೆರಿಕವನ್ನೇ ಹಿಂದಿಕ್ಕಿದೆ. ಈ ಬಗ್ಗೆ ಅಧಿಕೃತ ಮಾಹಿತಿ ಬಿಡುಗಡೆ ಮಾಡಿದ ದುಬೈ ಸರ್ಕಾರ, 2021ರ ಮೊದಲಾರ್ಧದಲ್ಲಿ ಭಾರತ 67.1 ಬಿಲಿಯನ್ ದಿರ್ಹಾಮ್ (1 ದಿರ್ಹಾಮ್= 20.06 ರೂಪಾಯಿ) ಗಳನ್ನು ಗಳಿಸುವ ಮೂಲಕ 2ನೇ ಸ್ಥಾನ ಪಡೆದಿದೆ.
ಮೊದಲ ಸ್ಥಾನದಲ್ಲಿರುವ ಚೀನಾ ಬರೋಬ್ಬರಿ 86.7 ಬಿಲಿಯನ್ ದಿರ್ಹಾಮ್ ಗಳನ್ನು ವ್ಯಾಪಾರ ಮಾಡಿದೆ.2020ರಲ್ಲಿ ಭಾರತ 38.5 ಬಿಲಿಯನ್ ದಿರ್ಹಾಮ್ ನಷ್ಟಿದ್ದ ವ್ಯಾಪಾರ, ಇದೀಗ ಶೇ.74.5 ಪ್ರತಿಷತ ಹೆಚ್ಚಿಸಿದೆ. ಚೀನಾ ಕೂಡ 2020ರ ತನ್ನ 66.3 ಬಿಲಿಯನ್ ವಾರ್ಷಿಕ ವ್ಯವಹಾರದ ಪಾಲನ್ನು ಶೇ.30.7ರಷ್ಟು ಹೆಚ್ಚಿಸಿದೆ.
ಚೀನಾ, ಭಾರತದ ನಂತರ ಮೂರನೇ ಸ್ಥಾನದಲ್ಲಿರುವ ಅಮೆರಿಕ ಈ ವರ್ಷ 32 ಬಿಲಿಯನ್ ದಿರ್ಹಾಮ್ ನಷ್ಟು ವ್ಯಾಪಾರವನ್ನು ದುಬೈನೊಂದಿಗೆ ಮಾಡಿದೆ. ದುಬೈನ ಅತ್ಯಮೂಲ್ಯ ವಸ್ತುಗಳಲ್ಲಿ ಚಿನ್ನ, ವಜ್ರ, ಟೆಲಿಕಾಂ ವ್ಯಾಪಾರಗಳು ದುಬೈ ಟ್ರೇಡ್ ನಲ್ಲಿ ಪ್ರಮುಖವಾಗಿದೆ.
2021ರ ಮೊದಲಾರ್ಧದಲ್ಲಿ 138.8 ಬಿಲಿಯನ್ ದಿರ್ಹಾಮ್ ಚಿನ್ನದ ವಹಿವಾಟು, 94 ಬಿಲಿಯನ್ ದಿರ್ಹಾಮ್ ಟೆಲಿಕಾಂ, ವಜ್ರಗಳು ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದು, 57.3 ಬಿಲಿಯನ್ ದಿರ್ಹಾಮ್ ಹೊಂದಿದೆ. ಆಟೋಮೊಬೈಲ್ ವ್ಯಾಪಾರ 28 ಶತಕೋಟಿ ದಿರ್ಹಾಮ್ ಗಳಷ್ಟಾಗಿದೆ. ದುಬೈನ ತೈಲೇತರ ವಿದೇಶಿ ವ್ಯಾಪಾರ ಈ ವರ್ಷದ ಮೊದಲಾರ್ಧದಲ್ಲಿ ಶೇ.31ರಷ್ಟು ಹೆಚ್ಚಾಗಿದೆ. 2020 ರಲ್ಲಿ 550.6 ಬಿಲಿಯನ್ ದಿರ್ಹಾಮ್ ಗಳಿಂದ 2021 ರಲ್ಲಿ 722.3 ಶತಕೋಟಿ ದಿರ್ಹಾಮ್ ಗೆ ಹೆಚ್ಚಾಗಿದೆ.
