ನವದೆಹಲಿ: ಪ್ರಧಾನ ಮಂತ್ರಿ ಜನಧನ ಯೋಜನೆಯು (ಪಿಎಂಜೆಡಿವೈ) ಜಾರಿಗೆ ಬಂದು ಏಳು ವರ್ಷಗಳಾಗಿದ್ದು, ಜನಧನ ಖಾತೆಗಳ ಸಂಖ್ಯೆಯು 43 ಕೊಟಿಗೆ ತಲುಪಿದೆ. ಒಟ್ಟು ಠೇವಣಿಯ ಮೊತ್ತ ₹ 1.46 ಲಕ್ಷ ಕೋಟಿಗೂ ಹೆಚ್ಚಿಗೆ ಇದೆ ಎಂದು ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.
2021ರ ಆಗಸ್ಟ್ 18ರವರೆಗಿನ ಮಾಹಿತಿಯ ಪ್ರಕಾರ, ಒಟ್ಟು ಜನಧನ ಖಾತೆಗಳ ಸಂಖ್ಯೆಯು 43.04 ಕೋಟಿಗಳಷ್ಟಾಗಿದೆ. ಇದರಲ್ಲಿ ಶೇ 55.47ರಷ್ಟು (23.87 ಕೋಟಿ) ಖಾತೆಗಳನ್ನು ಮಹಿಳೆಯರೇ ಹೊಂದಿದ್ದಾರೆ.
‘ಅಸಂಖ್ಯಾತ ಜನರನ್ನು ಸಬಲರನ್ನಾಗಿಸಲು ಹಾಗೂ ಘನತೆಯ ಜೀವನ ನಡೆಸಲು ಈ ಯೋಜನೆ ಕಾರಣವಾಗಿದೆ’ ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.