ನವದೆಹಲಿ : ಪ್ರಸ್ತುತ ಅಬ್ಬರಿಸುತ್ತಿರುವ ಕೊರೋನ ಜುಲೈನಲ್ಲಿ ಕೊರೋನಾ ಎರಡನೇ ಅಲೆ ಅಂತ್ಯಗೊಳ್ಳಲಿದ್ದು , ನಂತರದ 6 ತಿಂಗಳಲ್ಲಿ ಅಂದರೆ ಮುಂದಿನ ಜನವರಿಯಲ್ಲಿ ಕೊರೋನಾ ಮೂರನೇ ಅಲೆ ಶುರುವಾಗಲಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ .
ಕೇಂದ್ರ ಸರ್ಕಾರದ ಮೂವರು ತಜ್ಞರ ಪ್ಯಾನೆಲ್‌ನಲ್ಲಿ ಈ ಕುರಿತು ಅಭಿಪ್ರಾಯ ಹೊರಬಿದ್ದು, ಮೇ ಅಂತ್ಯದೊಳಗೆ 1.5 ಲಕ್ಷ ಕೊರೋನಾ ಪ್ರಕರಣಗಳು ನಿತ್ಯ ದಾಖಲಾಗಲಿದೆ . ಮಹಾರಾಷ್ಟ್ರ , ಉತ್ತರ ಪ್ರದೇಶ , ಕರ್ನಾಟಕ , ಜಾರ್ಖಂಡ್ , ರಾಜಸ್ಥಾನ , ಕೇರಳ , ಸಿಕ್ಕಿಂ , ಉತ್ತರಾಖಂಡ್ , ಗುಜರಾತ್ , ಹರ್ಯಾಣ , ದೆಹಲಿ , ಗೋವಾದಲ್ಲಿ ಗರಿಷ್ಠ ಪ್ರಕರಣಗಳು ದಾಖಲಾಗುತ್ತಿವೆ .
ತಮಿಳುನಾಡಿನಲ್ಲಿ ಮೇ 29 ರಿಂದ 31 ಸಮಯದಲ್ಲಿ ಕೊರೋನಾ ಪ್ರಕರಣಗಳು ತೀರಾ ಹೆಚ್ಚಲಿವೆ . ಪುದುಚೇರಿಯಲ್ಲಿ ಮೇ 19 20 ರಂದು ಅತಿ ಹೆಚ್ಚು ಪ್ರಕರಣಗಳು ಪತ್ತೆಯಾಗಲಿವೆ . ದೇಶದಲ್ಲಿ 2,67,334 ಕೊರೋನಾ ವೈರಸ್ ಸೋಂಕಿತ ಪ್ರಕರಣಗಳು ವರದಿಯಾಗಿವೆ .
ಇನ್ನ7 ಈವರೆಗೆ 2,19,86,363 ಸೋಂಕಿತರು ಗುಣಮುಖರಾಗಿದ್ದು , ಒಟ್ಟು 2,83,248 ಜನರು ಪ್ರಾಣ ಬಿಟ್ಟಿದ್ದಾರೆ . 52,26,719 ಕೊರೋನಾ ವೈರಸ್ ಸಕ್ರಿಯ ಪ್ರಕರಣಗಳು ಪತ್ತೆಯಾಗಿವೆ . ಕಳೆದ ಮೇ 1 ರಿಂದ ಈವರೆಗೂ 18 ವರ್ಷ ಮೇಲ್ಪಟ್ಟ 44 ವರ್ಷದೊಳಗಿನ 64,60,624 ಫಲಾನುಭವಿಗಳಿಗೆ ಕೊರೋನಾವೈರಸ್ ಲಸಿಕೆ ವಿತರಿಸಲಾಗಿದೆ ಎಂದು ವರದಿಗಳು ತಿಳಿಸುವೆ.
