ಕಾನೂನು ಬಾಹಿರ ಚಟುವಟಿಕೆ ತಡೆ ವಿಧೇಯಕ ತಿದ್ದುಪಡಿ ಲೋಕಸಭೆಯಲ್ಲಿ ಮಂಡನೆ

ನವದೆಹಲಿ: ಗೃಹದ ಸಚಿವ ಅಮಿತ್ ಶಾ ಅವರು ಕಾನೂನು ಬಾಹಿರ ಚಟುವಟಿಕೆಗಳ(ತಡೆ) ತಿದ್ದುಪಡಿ ವಿಧೇಯಕವನ್ನು ಬುಧವಾರ ಲೋಕಸಭೆಯಲ್ಲಿ ಮಂಡಿಸಿದರು.

ವಿಧೇಯಕದ ಪರವಾಗಿ 287 ಮತಗಳು ಮತ್ತು ವಿಧೇಯಕದ ವಿರುದ್ಧ 8 ಮತಗಳು ಚಲಾವಣೆ ಆಗಿದೆ. ವಿಧೇಯಕವನ್ನು ವಿರೋಧಿಸಿ ವಿಪಕ್ಷಗಳು ಸಭಾತ್ಯಾಗ ಮಾಡಿದವು.

ವಿಧೇಯಕದ ತಿದ್ದುಪಡಿ ಸಮರ್ಥಿಸಿಕೊಂಡು ಅಮಿತ್ ಶಾ ಅವರು, ಭಯೋತ್ಪಾದನೆ ಜನರ ಪ್ರವೃತಿ, ಅದು ಸಂಘಟನೆಯಲ್ಲ, ಉಗ್ರನನ್ನು ವೈಯಕ್ತಿಕವಾಗಿ ಉಗ್ರ ಎಂದು ಕರೆಯಬೇಕಾಗಿದೆ. ಇದಕ್ಕೆ ವಿಶ್ವಸಂಸ್ಥೆಯಲ್ಲಿ ಪ್ರಕ್ರಿಯೆಗಳು ಇವೆ. ಅಮೆರಿಕಾ, ಚೀನಾ, ಇಸ್ರೇಲ್, ಯುರೋಪ್ ರಾಷ್ಟ್ರಗಳಲ್ಲೂ ಇದೇ ರೀತಿ ಇದೆ ಎಂದರು.

ಸಂಘಟನೆ ನಿಷೇಧ ಮಾಡಿದರೆ ಅದೇ ಉಗ್ರರು ಇನ್ನೊಂದು ಸಂಘಟನೆ ಕಟ್ಟುತ್ತಾರೆ ಎಂದು ಅಮಿತ್ ಶಾ ಹೇಳಿದರು.