ಅಮೆರಿಕಾದ ಕೇಂದ್ರೀಯ ಗುಪ್ತಚರ ಸಂಸ್ಥೆಯ (CIA) ಮುಖ್ಯ ತಂತ್ರಜ್ಞಾನ ಅಧಿಕಾರಿಯಾಗಿ ಭಾರತೀಯ ಮೂಲದ ವ್ಯಕ್ತಿ ನಂದ್ ಮುಲ್ಚಂದಾನಿ ನೇಮಕಗೊಂಡಿದ್ದಾರೆ.
ಈ ಬಗ್ಗೆ ಸಿಐಎ ನಿರ್ದೇಶಕ ವಿಲಿಯಂ ಜೆ ಬರ್ನ್ಸ್ ಅವರು ಬ್ಲಾಗ್ ಸ್ಪಷ್ಟಪಡಿಸಿದ್ದು, ಏಜೆನ್ಸಿಯ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಪೋಸ್ಟ್‌ ಮಾಡಲಾಗಿದೆ.
ಈ ಬಗ್ಗೆ ಮುಲ್ಚಂದಾನಿ ಹರ್ಷ ವ್ಯಕ್ತಪಡಿಸಿದ್ದು, CIA ಗೆ ನೇಮಕಗೊಂಡಿರುವುದು ನನಗೆ ಹೆಮ್ಮೆಯೆನಿಸುತ್ತಿದೆ ಜೊತೆಗೆ ಸಮಗ್ರ ತಂತ್ರಜ್ಞಾನ, ಕಾರ್ಯತಂತ್ರವನ್ನು ನಿರ್ಮಿಸಲು ಹೊರಟಿರುವ ವಿಶ್ವದರ್ಜೆಯ ಬುದ್ಧಿವಂತಿಕೆ ಮತ್ತು ಸಾಮರ್ಥ್ಯಗಳನ್ನು ಒದಗಿಸುವ ಏಜೆನ್ಸಿಯ ಅದ್ಭುತ ತಂತ್ರಜ್ಞರು ಮತ್ತು ಡೊಮೇನ್ ತಜ್ಞರ ತಂಡದೊಂದಿಗೆ ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ ಎಂದರು.
ಮುಲ್ಚಂದಾನಿ 25 ವರ್ಷಗಳ ಅನುಭವವನ್ನು ಹೊಂದಿದ್ದಾರೆ ಮತ್ತು “CIA ಅತ್ಯಾಧುನಿಕ ಆವಿಷ್ಕಾರಗಳನ್ನು ನಡೆಸಲು ಮುಂದಾಗಿದೆ ಇಂತಹ ಸಂಸ್ಥೆಗೆ ಮುಲ್ಚಂದಾನಿಯಂತಹ ಪ್ರತಿಭಾವಂತವರ ಅವಶ್ಯಕತೆ ಇದೆ ಎಂದು
CIA ಹೇಳಿಕೆ ನೀಡಿದೆ.
ಬೇರೆ ಬೇರೆ ಉದ್ಯಮಗಳನ್ನು ಕಟ್ಟುವಲ್ಲಿ ಪರಿಣಿತಿ ಇರುವುದಾಗಿ ಮುಲ್ಚಿಂದಾನಿ ಹೇಳಿಕೊಂಡಿದ್ದಾರೆ. 1987ರಲ್ಲಿ ದೆಹಲಿಯ ಬ್ಲೂಬೆಲ್ಸ್ ಸ್ಕೂಲ್ ಇಂಟರ್‌ನ್ಯಾಶನಲ್‌ ಶಾಲೆಯಲ್ಲಿ ವ್ಯಾಸಂಗ ಮಾಡಿದ್ದು, ಕಾರ್ನೆಲ್ ವಿಶ್ವವಿದ್ಯಾಲಯದಿಂದ ಕಂಪ್ಯೂಟರ್ ಸೈನ್ಸ್ ಮತ್ತು ಗಣಿತಶಾಸ್ತ್ರದಲ್ಲಿ (1988-91) ಸ್ನಾತಕೋತ್ತರ ಪದವಿಯನ್ನು ಪಡೆದರು. ಬಳಿಕ (2017-18)ರಲ್ಲಿ ಸ್ಟ್ಯಾನ್‌ಫೋರ್ಡ್ ಬಿಸಿನೆಸ್ ಸ್ಕೂಲ್‌ನಿಂದ ಮ್ಯಾನೇಜ್‌ಮೆಂಟ್‌ನಲ್ಲಿ ಮಾಸ್ಟರ್ ಆಫ್ ಸೈನ್ಸ್ ಪದವಿ, ಹಾರ್ವರ್ಡ್‌ನ ಕೆನಡಿ ಸ್ಕೂಲ್ ಆಫ್ ಗವರ್ನಮೆಂಟ್‌ನಿಂದ ಸಾರ್ವಜನಿಕ ಆಡಳಿತದಲ್ಲಿ (2018-19) ಮತ್ತೊಂದು ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.
ಎಂಟರ್‌ಪ್ರೈಸ್ ಮೂಲಸೌಕರ್ಯ ಉತ್ಪನ್ನಗಳು, ಮಾರ್ಕೆಟಿಂಗ್ ಮತ್ತು ಮಾರಾಟಗಳಲ್ಲಿ ಬಲವಾದ ಹಿನ್ನೆಲೆ ಹೊಂದಿರುವ ಅವರು ಇಲ್ಲಿಯವರೆಗೆ ಒಬ್ಲಿಕ್ಸ್ (ಒರಾಕಲ್‌ನಿಂದ ಸ್ವಾಧೀನಪಡಿಸಿಕೊಂಡಿದೆ), ಡಿಟರ್ಮಿನಾ (ವಿಎಂವೇರ್‌ನಿಂದ ಸ್ವಾಧೀನಪಡಿಸಿಕೊಂಡಿದೆ), ಓಪನ್‌ಡಿಎನ್‌ಎಸ್ (ಸಿಸ್ಕೊದಿಂದ ಸ್ವಾಧೀನಪಡಿಸಿಕೊಂಡಿದೆ) ನಂತಹ ಬಹು ಸ್ಟಾರ್ಟ್‌ಅಪ್‌ಗಳ ಸಹ-ಸ್ಥಾಪಕ ಮತ್ತು ಸಿಇಒ ಆಗಿದ್ದರು.
CIA ಯ ಮುಖ್ಯ ತಂತ್ರಜ್ಞಾನ ಅಧಿಕಾರಿಯಾಗಿ ಹೊಸ ಹುದ್ದೆ ಅಲಂಕರಿಸುವುದಕ್ಕೂ ಮುನ್ನ ಮುಲ್ಚಂದಾನಿ CTO ಮತ್ತು DoD ಯ ಜಂಟಿ ಕೃತಕ ಬುದ್ಧಿಮತ್ತೆ ಕೇಂದ್ರದ ಕಾರ್ಯನಿರ್ವಾಹಕ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದರು.
#CIA Director William J. Burns appoints Nand Mulchandani as CIA's first Chief Technology Officer (CTO).
With more than 25 years of experience, Mr. Mulchandani will ensure the Agency is leveraging cutting-edge innovations to further CIA's mission.
— CIA (@CIA) April 29, 2022
