ನವದೆಹಲಿ: ಪ್ರತಿದಿನ ಒಂದಲ್ಲಾ ಒಂದು ವಿಷಯಗಳು ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿರುತ್ತದೆ. ಆದರೆ ಮಂಗಳವಾರ(ಮಾ.12) ಸಂಜೆಯಿಂದ ಮಾತ್ರ ಸಾಮಾಜಿಕ ಮಾಧ್ಯಮದಲ್ಲಿ ಒಂದೇ ಒಂದು ಸಾಲು ಮಾತ್ರ ಟ್ರೆಂಡಿಂಗ್ನಲ್ಲಿದೆ.
ಅದು – ‘What’s wrong with India’. ಮಂಗಳವಾರ ಸಂಜೆ, ‘What’s wrong with India’ ಅಡಿಯಲ್ಲಿ ಭಾರತದ ವಿರುದ್ಧ ಅಭಿಯಾನವನ್ನು ಪ್ರಾರಂಭಿಸಲಾಯಿತು. ಈ ಅಭಿಯಾನದಲ್ಲಿ ಕೆಲವು ತೆರೆದ ಶೌಚಾಲಯಗಳಂತಹ ಪೋಸ್ಟ್‌ಗಳನ್ನು ಹಂಚಿಕೊಳ್ಳಲಾಗಿದೆ. ಇದೀಗ ಇದಕ್ಕೆ ಭಾರತೀಯರು ತಕ್ಕ ಉತ್ತರ ನೀಡಿದ್ದು, ಈಗ ವಿದೇಶದಲ್ಲಿ ನಡೆಯುವ ಅಪರಾಧಗಳು ಮತ್ತು ವಿಚಿತ್ರ ಘಟನೆಗಳ ಪೋಸ್ಟ್‌ಗಳು ಮಾತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಎಲ್ಲರಿಗೂ ಗೊತ್ತಿರುವಂತೆ 10 ದಿನಗಳ ಹಿಂದೆ ಜಾರ್ಖಂಡ್‌ನ ದುಮ್ಕಾದಲ್ಲಿ ಸ್ಪ್ಯಾನಿಷ್ ಪ್ರವಾಸಿಯೊಬ್ಬರ ಮೇಲೆ ಸಾಮೂಹಿಕ ಅತ್ಯಾಚಾರವಾಯಿತು. ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಕಾಳ್ಗಿಚ್ಚಿನಂತೆ ಹಬ್ಬಿದ್ದು, ಹಲವು ವಿದೇಶಿಗರು ಭಾರತ ಪ್ರವಾಸದ ಅನುಭವ ಹಂಚಿಕೊಂಡಿದ್ದಾರೆ. ಏತನ್ಮಧ್ಯೆ, ಕೆಲವು ಖಾತೆಗಳು ಭಾರತದ ಪ್ರತಿಷ್ಠೆಗೆ ಕಳಂಕ ತರುವ ಕೆಲಸವನ್ನು ಕೈಗೆತ್ತಿಕೊಂಡಿವೆ ಮತ್ತು ದೇಶದಲ್ಲಿ ಇಂತಹ ಘಟನೆಗಳು ದಿನನಿತ್ಯ ನಡೆಯುತ್ತಿವೆ ಎಂದು ಆರೋಪಿಸಿದ್ದಾರೆ. ಈ ಎಲ್ಲಾ ಪೋಸ್ಟ್‌ಗಳಲ್ಲಿ ‘What’s wrong with India’ ಎಂದು ಬಳಸಲಾಗಿದೆ.
ಇನ್ನು ಭಾರತದಲ್ಲಿನ ಹಲವು X ಬಳಕೆದಾರರು ‘What’s wrong with India’ ಬಳಸಿ ಪೋಸ್ಟ್‌ಗಳನ್ನು ಹಂಚಿಕೊಂಡಿದ್ದು, ಇದು ವಿಭಿನ್ನ ತಿರುವನ್ನು ಕಂಡಿದೆ. ಇತರ ದೇಶಗಳಲ್ಲಿ ಸಂಭವಿಸುವ ಇದೇ ರೀತಿಯ ಘಟನೆಗಳ ಫೋಟೋಗಳು ಮತ್ತು ವಿಡಿಯೋಗಳನ್ನು ಬಳಕೆದಾರರು ಹಂಚಿಕೊಂಡಿದ್ದಾರೆ. ಇದರೊಂದಿಗೆ ‘What’s wrong with India’ ಎಂಬ ಶೀರ್ಷಿಕೆಯನ್ನು ಪುನಃ ಬರೆಯಲಾಗಿದೆ.
What’s wrong with India, trending on top pic.twitter.com/qdi2zWQ24q
— yatharth* (@CastePatroller) March 12, 2024
