ನವದೆಹಲಿ: ಗೂಗಲ್ ಅಭಿವೃದ್ಧಿಪಡಿಸಿರುವ ಎಐ ಚಾಟ್ಬಾಟ್ ತಪ್ಪಾದ ಫೋಟೋಗಳನ್ನು ಜನರೇಟ್ ಮಾಡುತ್ತಿದ್ದ ಕಾರಣ ಅದರ ಇಮೇಜ್ ಜನರೇಶನ್ ನಿಲ್ಲಿಸಲಾಗಿದೆ. ಇದರಿಂದಾಗಿ ಗೂಗಲ್ ಸಿ.ಇ.ಒ ಸುಂದರ್ ಪಿಚೈ ರಾಜೀನಾಮೆ ನೀಡಬಹುದು ಅಥವ ಅವರನ್ನು ವಜಾಗೊಳಿಸಬಹುದು ಎಂಬ ಊಹೆಗಳೆದ್ದಿದ್ದವು.
ಇದಕ್ಕೆ ಪ್ರತಿಕ್ರಿಯಿಸಿರುವ ಪಿಚೈ ಊಹೆಗಳಿಗೆ ತೆರೆ ಎಳೆದಿದ್ದು, ಉಂಟಾಗಿರುವ ಸಮಸ್ಯೆಯನ್ನು ಗುರುತಿಸಿ ಸರಿಪಡಿಸಲಾಗುತ್ತಿದೆ ಎಂದರು.
ʼಯಾವುದೇ ಎಐ ಪರಿಪೂರ್ಣವಲ್ಲ. ಅದರಲ್ಲಿಯೂ ಅಭಿವೃದ್ಧಿಯ ಹಂತದಲ್ಲಿರುವಾಗ ತಪ್ಪುಗಳು ಸಹಜ. ಜನರು ನಮ್ಮಿಂದ ಇಟ್ಟುಕೊಂಡಿರುವ ನಿರೀಕ್ಷೆಗಳನ್ನು ಈಡೇರಿಸುವತ್ತ ನಮ್ಮ ಕಂಪನಿ ಶ್ರಮಿಸುತ್ತಿದೆʼ ಎಂದರು.