ನವದೆಹಲಿ: ಭಾರತದ ಕಬಡ್ಡಿ ನಾಯಕ ಪವನ್ ಸೆಹ್ರಾವತ್ ಸೋಮವಾರ ನಡೆದ ಪ್ರೊ ಕಬಡ್ಡಿ ಲೀಗ್ ಹರಾಜಿನಲ್ಲಿ ಹೊಸ ದಾಖಲೆ ಸೃಷ್ಟಿಸಿದ್ದಾರೆ. ತೆಲುಗು ಟೈಟಾನ್ಸ್ 2.60 ಕೋಟಿ ರೂ.ಗೆ ಖರೀದಿಸುವ ಮೂಲಕ ಭಾರತೀಯ ನಾಯಕ ತಮ್ಮದೇ ದಾಖಲೆಯನ್ನು ಮುರಿದರು.
ಇದಕ್ಕೂ ಮುನ್ನ ಹರಾಜಿನಲ್ಲಿ ಇರಾನ್ನ ಮೊಹಮದ್ರೆಜಾ ಶಾಡ್ಲೂಯಿ ಅವರನ್ನು ಪುಣೇರಿ ಪಲ್ಟನ್ 2.35 ಕೋಟಿ ರೂ.ಗೆ ಖರೀದಿಸಿತ್ತು. ಪವನ್ ಅವರನ್ನು ತೆಲುಗು ಟೈಟಾನ್ಸ್ 2.6 ಕೋಟಿ ರೂ.ಗೆ ಖರೀದಿಸಿದರೆ, ಶಾದ್ಲೋಯಿ 2.35 ಕೋಟಿ ರೂ.ಗೆ ಪುಣೇರಿ ಪಲ್ಟನ್ ಜೊತೆ ಒಪ್ಪಂದ ಮಾಡಿಕೊಂಡಿದ್ದರು. ಕಳೆದ ವರ್ಷ ನಡೆದ ಹರಾಜಿನಲ್ಲಿ ಪವನ್ ಅವರನ್ನು ತಮಿಳ್ ತಲೈವಾಸ್ ತಂಡ 2.26 ಕೋಟಿ ರೂ.ಗೆ ಖರೀದಿಸಿತ್ತು. ಅದು ಈ ಹಿಂದಿನ ದಾಖಲೆಯಾಗಿತ್ತು. ಇನ್ನು ಇಂದು ಸಹ (ಅ 10) ಹರಾಜು ಮುಂದುವರಿಯಲಿದ್ದು, ಹೆಚ್ಚಿನ ಆಟಗಾರರು ಹರಾಜಿಗೆ ಒಳಗಾಗಲಿದ್ದಾರೆ.