ತಮಿಳುನಾಡು: ಐದು ಬಾರಿ ವಿಶ್ವ ಚೆಸ್ ಚಾಂಪಿಯನ್ ಆದ ಪ್ರಜ್ಞಾನಂದನ ಪೂರ್ಣ ಹೆಸರು ರಮೇಶ್ ಬಾಬು ಪ್ರಜ್ಞಾನಂದನ. ಆರ್ ಪ್ರಜ್ಞಾನಂದ ಭಾರತೀಯ ಚೆಸ್ ಆಟಗಾರನಾಗಿದ್ದು, ಆಗಸ್ಟ್ 5, 2005 ರಂದು ತಮಿಳುನಾಡಿನ ಚೆನ್ನೈನಲ್ಲಿ ಜನಿಸಿದರು. ತಂದೆ ರಮೇಶ್ ಬಾಬು ಟಿಎನ್ಎಸ್ಸಿ ಬ್ಯಾಂಕ್ ಮ್ಯಾನೇಜರ್ ಆಗಿದ್ದು, ತಾಯಿ ನಾಗಲಕ್ಷ್ಮಿ ಗೃಹಿಣಿಯಾಗಿದ್ದಾರೆ. ಪ್ರಜ್ಞಾನಂದ ಅವರ ಕೋಚ್ ರಮೇಶ್ ಆರ್ಬಿ ಆಗಿದ್ದಾರೆ.
ವುಮನ್ ಗ್ರ್ಯಾಂಡ್ ಮಾಸ್ಟರ್ ಮತ್ತು ಇಂಟರ್ನ್ಯಾಷನಲ್ ಮಾಸ್ಟರ್ ಆರ್ ವೈಶಾಲಿ ಅವರ ಕಿರಿಯ ಸಹೋದರನೇ ಈ ಪ್ರಜ್ಞಾನಂದ.
ಪ್ರಜ್ಞಾನಂದ 2013 ರಲ್ಲಿ 8 ವರ್ಷದೊಳಗಿನವರ ವರ್ಲ್ಡ್ ಯೂತ್ ಚೆಸ್ ಚಾಂಪಿಯನ್ಶಿಪ್ ಪ್ರಶಸ್ತಿ, ಏಳನೇ ವಯಸ್ಸಿನಲ್ಲಿ FIDE ಮಾಸ್ಟರ್ ಮತ್ತು 2015 ರಲ್ಲಿ 10 ವರ್ಷದೊಳಗಿನ ಪ್ರಶಸ್ತಿಯನ್ನು ಸಹ ಗೆದ್ದಿದ್ದಾರೆ. 2017 ರಲ್ಲಿ, ಮೊದಲ ಬಾರಿಗೆ ಗ್ರ್ಯಾಂಡ್ ಮಾಸ್ಟರ್ ಪ್ರಶಸ್ತಿಯನ್ನು ಗೆದ್ದರು. ಇದಲ್ಲದೇ ತಮ್ಮ ಚಿಕ್ಕ ವಯಸ್ಸಿನಲ್ಲೇ ಹಲವು ದಾಖಲೆಗಳನ್ನು ಮಾಡಿದ್ದಾರೆ.
ಇವರಿಗಿದ್ದ ಹಣಕಾಸಿನ ಅಡೆತಡೆಗಳಿಂದ ಚೆಸ್ ತರಗತಿಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗಲಿಲ್ಲ. ಇದಕ್ಕಾಗಿ ಅವರು ತಮ್ಮ ಸಹೋದರಿಯಿಂದ ಚೆಸ್ ಆಟವನ್ನು ಕಲಿಯುತ್ತಿದ್ದರಂತೆ.
ಭಾರತದ ಯುವ ಗ್ರ್ಯಾಂಡ್ಮಾಸ್ಟರ್ ಪ್ರಜ್ಞಾನಂದ ತಮ್ಮ ಚಿಕ್ಕ ವಯಸ್ಸಿನಲ್ಲೇ ಪ್ರತಿಭೆಯನ್ನು ಸಾಬೀತುಪಡಿಸಿದರು. 2022 ರಲ್ಲಿ ಗ್ರ್ಯಾಂಡ್ ಮಾಸ್ಟರ್ ಪ್ರಶಸ್ತಿಯನ್ನು ಗೆದ್ದರು.
ಈಗ ತಮಿಳುನಾಡಿನ 18ರ ಪೋರ ಪ್ರಜ್ಞಾನಂದ ಮುಂದೆ ವಿಶ್ವದ ನಂಬರ್ 1 ಚೆಸ್ ಆಟಗಾರ 32 ವರ್ಷದ ಮ್ಯಾಗ್ನಸ್ ಕಾರ್ಲ್ಸೆನ್ ಆಟ ಏನು ಅಂದರೆ ಏನೂ ನಡೆಯುತ್ತಿಲ್ಲ. ಕಳೆದ ದಿನ ನಡೆದ ಫೈನಲ್ ಪಂದ್ಯದ ಮೊದಲ ಸುತ್ತಿನ ಮ್ಯಾಚ್ನಲ್ಲಿ ಕಾರ್ಲ್ಸೆನ್ಗೆ ಟಕ್ಕರ್ ಕೊಟ್ಟ ಪ್ರಜ್ಞಾನಂದ ಪಂದ್ಯವನ್ನು ಡ್ರಾ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಎಂತೆಂತಾ ಘಟಾನುಘಟಿಗಳನ್ನೇ ಚದುರಂಗದಲ್ಲಿ ಚೆಕ್ಮೆಟ್ ಕೊಟ್ಟು ಓಡಿಸಿ ಕಾರ್ಲ್ಸೆನ್ ನಂಬರ್ 1 ಪಟ್ಟ ಅಲಂಕರಿಸಿದ್ದರು. ಇಂತಹ ಆಟಗಾರ, ಭಾರತದ ಯುವ ಪ್ರತಿಭೆ ಪ್ರಜ್ಞಾನಂದ ವಿರುದ್ಧ ಚೆಸ್ ಆಡಲು ಬೆವರಿಳಿದು ಹೋಗಿದ್ದಾರೆ.
2022 ಫೆಬ್ರವರಿ 22 ರಂದು ತನ್ನ 16ನೇ ವಯಸ್ಸಿನಲ್ಲಿ ಏರ್ಥಿಂಗ್ಸ್ ಮಾಸ್ಟರ್ಸ್ ಱಪಿಡ್ ಚೆಸ್ ಟೂರ್ನ್ಮೆಂಟ್ನಲ್ಲಿ ಕಾರ್ಲ್ಸೆನ್ರನ್ನು ಸೋಲಿಸಿದ ಅತ್ಯಂತ ಕಿರಿಯ ಆಟಗಾರ ಎನಿಸಿದ್ದಾರೆ.