ಮುಂಬೈ: ಹಾರ್ದಿಕ್ ಪಾಂಡ್ಯ ಗುಜರಾತ್ ಟೈಟನ್ಸ್ಗೆ ತೊರೆಯೋದು ಪಕ್ಕ ಆಗಿದೆ. ಮರಳಿ ಗೂಡಿಗೆ ಸೇರುತ್ತಿರುವ ಹಾರ್ದಿಕ್ ಪಾಂಡ್ಯ, ಮುಂಬೈ ಇಂಡಿಯನ್ಸ್ಗೆ ಬಲ ತುಂಬುತ್ತಿದ್ದಾರೆ.
ಸೀಸನ್-17ರ ಐಪಿಎಲ್ಗೆ ಸಿದ್ಧತೆಗಳು ಜೋರಾಗಿ ನಡೆಯುತ್ತಿವೆ. ಬಲಿಷ್ಠ ತಂಡಗಳನ್ನ ಕಟ್ಟಲು ಮುಂದಾಗಿರುವ ಫ್ರಾಂಚೈಸಿಗಳು, ಇನ್ನಿಲ್ಲದ ಕಸರತ್ತುಗಳನ್ನ ನಡೆಸ್ತಿವೆ. ಆಟಗಾರರ ಟ್ರೇಡಿಂಗ್, ರಿಲೀಸ್ನಲ್ಲಿ ಬ್ಯುಸಿಯಾಗಿರುವ ಟೀಮ್ಸ್, ಮತ್ತೊಂದಡೆ ಬಿಗ್ ಮ್ಯಾಚ್ ವಿನ್ನರ್ಗಳನ್ನೇ ಟಾರ್ಗೆಟ್ ಮಾಡುವಲ್ಲಿ ಬ್ಯುಸಿಯಾಗಿವೆ. ಇದರಂತೆಯೇ ಗುಜರಾತ್ ಟೈಟನ್ಸ್ ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ತೊರೆಯುತ್ತಿದ್ದಾರೆ.
ಈಗ ಮುಂಬೈ ಇಂಡಿಯನ್ಸ್ ಸೇರೋಕೆ ರೆಡಿಯಾಗಿದ್ದಾರೆ. ಇತ್ತ ಗುಜರಾತ್ ಟೈಟನ್ಸ್ಗೆ ಮಾತ್ರ ಇದು ನುಂಗಲಾರದ ತುತ್ತಾಗಲಿದೆ. ಇದು ಸಹಜವಾಗೇ ಭಾರೀ ಕುತೂಹಲ ಹುಟ್ಟಿಹಾಕಿದೆ. ಯಾಕಂದ್ರೆ, ನಾಯಕನಾದ ಮೊದಲ ಸೀಸನ್ನಲ್ಲೇ ಗುಜರಾತ್ಗೆ ಟ್ರೋಫಿ ಗೆಲ್ಲಿಸಿಕೊಟ್ಟಿದ್ದ ಹಾರ್ದಿಕ್, ನಾಯಕನಾಗಿ ಮಾತ್ರವೇ ಅಲ್ಲ. ಓರ್ವ ಪರಿಪೂರ್ಣ ಆಲ್ರೌಂಡರ್ ಆಗಿ ತಂಡದ ಗೆಲುವಿನಲ್ಲಿ ಮಹತ್ವದ ಪಾತ್ರವನ್ನೇ ವಹಿಸಿದರು. ಹೀಗಾಗಿ ಮುಂದೆ ಪಾಂಡ್ಯ ಬದಲಿಯಾಗಿ ಯಾರನ್ನ ತಂಡಕ್ಕೆ ಕರೆತರುತ್ತೆ, ಬೆಸ್ಟ್ ರಿಪ್ಲೇಸ್ಮೆಂಟ್ ಆಲ್ರೌಂಡರ್ ಯಾರು ಇವರಿಗೆ ಸಿಗುತ್ತಾರೆ ಅನ್ನೋದನ್ನ ಕಾದುನೋಡಬೇಕಿದೆ.