ಹೈದರಾಬಾದ್: ಬಹುನಿರೀಕ್ಷಿತ ಅ.5 ರಿಂದ ಆರಂಭವಾಗಲಿರುವ ವಿಶ್ವಕಪ್ನಲ್ಲಿ ಆಡಲು ಪಾಕಿಸ್ತಾನ ಕ್ರಿಕೆಟ್ ತಂಡ ಭಾರತಕ್ಕೆ ಬಂದಿದೆ. ಅಭ್ಯಾಸ ಪಂದ್ಯಗಳು ಸೇರಿದಂತೆ ತಂಡದ ಕೆಲವು ಪಂದ್ಯಗಳು ಹೈದರಾಬಾದ್ನಲ್ಲಿ ನಡೆಯಲಿರುವ ಕಾರಣ ಬಾಬರ್ ಅಜಮ್ ಬಳಗ ಹೈದರಾಬಾದ್ನಲ್ಲಿ ಉಳಿದುಕೊಂಡಿದೆ. 7 ವರ್ಷಗಳ ಬಳಿಕ ಭಾರತಕ್ಕೆ ಭೇಟಿ ನೀಡಿದ ಪಾಕ್ ಬಳಗಕ್ಕೆ ಆತ್ಮೀಯ ಸ್ವಾಗತ ದೊರಕಿದೆ. ಈ ತಂಡಕ್ಕೆ ಉಳಿದೆಲ್ಲ ತಂಡಕ್ಕಿಂತ ಹೆಚ್ಚಿನ ಭದ್ರತೆಯೂ ನೀಡಲಾಗಿದೆ.
ಪಾಕಿಸ್ತಾನದಲ್ಲಿ ಗೋಮಾಂಸ (ಬೀಫ್) ಸಾಮಾನ್ಯ ಆಹಾರ. ಪ್ರೊಟೀನ್ಗಾಗಿ ಅಲ್ಲಿನ ಆಟಗಾರರು ಭೀಫ್ ಬಳಸುತ್ತಾರೆ. ಆದರೆ, ಭಾರತಕ್ಕೆ ಬಂದಿರುವ ಪಾಕ್ ತಂಡಕ್ಕೆ ಬೀಫ್ ಕೊಡುವುದಿಲ್ಲ ಎಂದು ಆಯೋಜಕರು ತಿಳಿಸಿದ್ದಾರೆ. ಶುಕ್ರವಾರ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಅಭ್ಯಾಸ ಪಂದ್ಯಕ್ಕೆ ಮುಂಚಿತವಾಗಿ, ಪಾಕಿಸ್ತಾನ ಕ್ರಿಕೆಟ್ ತಂಡದ ಆಹಾರ ಮೆನುವನ್ನು ಬಹಿರಂಗಪಡಿಸಲಾಗಿದೆ.
ವರದಿ ಪ್ರಕಾರ, ಭಾರತದಲ್ಲಿ ಭಾಗವಹಿಸುವ ಎಲ್ಲಾ 10 ತಂಡಗಳಿಗೆ ಗೋಮಾಂಸ ಲಭ್ಯವಿರುವುದಿಲ್ಲ. ಪಾಕಿಸ್ತಾನವು ಚಿಕನ್, ಮಟನ್ ಮತ್ತು ಮೀನುಗಳಿಂದ ಪ್ರೋಟೀನ್ ಪಡೆಯುತ್ತದೆ. ತಂಡದ ಡಯಟ್ ಚಾರ್ಟ್ ಗ್ರಿಲ್ಡ್ ಲ್ಯಾಂಬ್ ಚಾಪ್ಸ್, ಮಟನ್ ಕರಿ, ಅತ್ಯಂತ ಜನಪ್ರಿಯ ಬಟರ್ ಚಿಕನ್ ಮತ್ತು ಗ್ರಿಲ್ಡ್ ಮೀನುಗಳನ್ನು ಒಳಗೊಂಡಿದೆ. ಆದರೆ, ಯಾವುದೇ ಕಾರಣಕ್ಕೆ ಭೀಫ್ ಕೊಡುವುದಕ್ಕೆ ಒಪ್ಪಿಲ್ಲ.
Update: No beef will be served to any team in food menu in India. Pakistan team hotel’s food menu includes lamb chops, mutton curry, Hyderabadi biryani, grilled fish, butter chicken and vegetable pulao ✅
– via NDTV & PTI #CWC23 #WorldCup2023
— Farid Khan (@_FaridKhan) September 28, 2023
