ಮುಂಬೈ: ಎಐಸಿಎಫ್‌ಬಿ ದೃಷ್ಟಿ ವಿಕಲಚೇತನರ ರಾಷ್ಟ್ರೀಯ ಚೆಸ್ ಚಾಂಪಿಯನ್‌ಶಿಪ್‌ನ 6 ನೇ ಸುತ್ತಿನ ನಂತರ ಕಿಶನ್ ಗಂಗೊಳ್ಳಿ ಮತ್ತು ಸೌಂದರ್ಯ ಕುಮಾರ್ ಪ್ರಧಾನ್ ಜಂಟಿಯಾಗಿ 5.5 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲಿ ಮುಂದುವರಿದರೆ, ಸೋಮೆಂದರ್ ಬಿಎಲ್ 5 ಅಂಕಗಳೊಂದಿಗೆ ಮುಂದುವರಿದಿದ್ದಾರೆ. ಇಬ್ಬರೂ ನಾಯಕರು ಆರನೇ ಸುತ್ತಿನಲ್ಲಿ ತಮ್ಮ ಪಂದ್ಯಗಳನ್ನು ಗೆದ್ದು ಪ್ರಶಸ್ತಿಗಾಗಿ ತಮ್ಮ ಹೋರಾಟವನ್ನು ಮುಂದುವರೆಸಿದ್ದಾರೆ.
ಅಗ್ರ ಬೋರ್ಡ್‌ನಲ್ಲಿ ಕರ್ನಾಟಕದ ಕಿಶನ್ ಗಂಗೊಳ್ಳಿ ಅವರು ಸಾಯಿಕೃಷ್ಣ ಎಸ್‌ಟಿ ವಿರುದ್ಧ ಆಡಿದರು. 10 ವರ್ಷಗಳ ನಂತರ ಈ ಚಾಂಪಿಯನ್‌ಶಿಪ್‌ನಲ್ಲಿ ತಮಿಳುನಾಡಿನ. ಸಾಯಿಕೃಷ್ಣ ಭಾಗವಹಿಸುತ್ತಿದ್ದು, ಜಿದ್ದಾಜಿದ್ದಿನ ಹೋರಾಟ ನಡೆಸಿದರು.
ಈ ಚಾಂಪಿಯನ್‌ಶಿಪ್‌ನಲ್ಲಿ, ಕೇರಳದ 57 ವರ್ಷದ ಹಿರಿಯ ಆಟಗಾರ ಅಬ್ದುಲ್ ಸಮದ್ ಎಸ್. ಅವರು ರಾಷ್ಟ್ರೀಯ ಮಹಿಳಾ ಚಾಂಪಿಯನ್ ಗುಜರಾತ್‌ನ ರಾತಿ ಹಿಮಾಂಶಿ ವಿರುದ್ಧ ಆಡಿದರು. ಆದರೆ ಹಿಮಾಂಶಿ 43ನೇ ನಡೆಯಲ್ಲಿ ಗೆಲುವಿನ ನಗೆ ಬೀರಿದರು.
