ಸಿಡ್ನಿ: ಅರೋನ್ ಪಿಂಚ್ ಮತ್ತು ಸ್ಮೀವ್ ಸ್ಮಿತ್ ಬಾರಿಸಿದ ಶತಕದ ನೆರವಿನಿಂದ ಆಸ್ಟ್ರೇಲಿಯಾ ಮೊದಲ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ವಿರುದ್ಧ 66 ರನ್ ಗೆಲುವು ದಾಖಲಿಸಿಕೊಂಡಿದೆ.
ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ನಡೆದ ಮೂರು ಪಂದ್ಯಗಳ ಸರಣಿಯ ಮೊದಲ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾಗೆ ಪಿಂಚ್ ಮತ್ತು ವಾರ್ನರ್ 156 ರನ್ ಜತೆಯಾಟ ಒದಗಿಸಿಕೊಟ್ಟರು. ಆಸ್ಟ್ರೇಲಿಯಾ ಆರು ವಿಕೆಟಿಗೆ 374 ರನ್ ಕಳೆ ಹಾಕಿತು.
ಇದಕ್ಕೆ ಉತ್ತರಿಸಿದ ಟೀಂ ಇಂಡಿಯಾ ಆರಂಭದಲ್ಲೇ ಬೇಗನೆ ವಿಕೆಟ್ ಕಳಕೊಂಡಿತು. ಮಯಂಕ್ ಅಗರ್ವಾಲ್ ಕೇವಲ 22 ರನ್ ಮಾಡಿದರೆ, ಕೊಹ್ಲಿ 21 ರನ್ ಮಾಡಿ ನಿರ್ಗಮಿಸಿದರು. ಇದರ ಬಳಿಕ ಶ್ರೇಯಸ್ ಅಯ್ಯರ್(2) ಮತ್ತು ಕೆ.ಎಲ್.ರಾಹುಲ್(12) ಕೊಹ್ಲಿ ಹಾದಿಯಲ್ಲೇ ಪೆವಿಲಿಯನ್ ಗೆ ಸಾಗಿದರು.
ಧವನ್ 74, ಹಾರ್ದಿಕ್ ಪಾಂಡ್ಯ 90 ರನ್ ಮಾಡಿ ತಂಡಕ್ಕೆ ಗೆಲುವು ತಂದುಕೊಡಲು ಪ್ರಯತ್ನಿಸಿದರೂ ಇದು ಸಾಧ್ಯವಾಗಲಿಲ್ಲ. ರವೀಂದ್ರ ಜಡೇಜಾ 25 ರನ್ ಬಾರಿಸಿ ನಿರ್ಗಮಿಸಿದರು.
ಆಸ್ಟ್ರೇಲಿಯಾ ನಾಯಕ ಫಿಂಚ್ 114 ಮತ್ತು ಸ್ಮಿತ್ 105 ರನ್ ಮಾಡಿ ತಂಡದ ದೊಡ್ಡ ಮೊತ್ತಕ್ಕೆ ಕಾರಣರಾದರು.