ನ್ಯೂಜಿಲ್ಯಾಂಡ್ನ ಹಿರಿಯ ಆಟಗಾರ ರಾಸ್ ಟೇಲರ್ ತಮ್ಮ ವೃತ್ತಿ ಜೀವನದ ಕೊನೆಯ ಪಂದ್ಯದಲ್ಲಿ 14 ರನ್ ಗಳಿಸಿ ಔಟಾಗುವ ಮೂಲಕ 16 ವರ್ಷಗಳ ಕ್ರಿಕೆಟ್ ಬದುಕಿಗೆ ವಿದಾಯ ಹೇಳಿದ್ದಾರೆ.
ನೆದರ್ಲ್ಯಾಂಡ್ ವಿರುದ್ಧ ನಡೆದ ಮೂರನೇ ಏಕದಿನ ಪಂದ್ಯ ರಾಸ್ ಟೇಲರ್ಗೆ ಕೊನೆಯ ವಿದಾಯ ಪಂದ್ಯ ಆಡಿದರು. ಮೈದಾನಕ್ಕಿಳಿದ ರಾಸ್ ಟೇಲರ್ಗೆ ನೆದರ್ಲ್ಯಾಂಡ್ ಆಟಗಾರರು ಚಪ್ಪಾಳೆ ತಟ್ಟಿ ‘ಗಾರ್ಡ್ ಆಫ್ ಆನರ್ ಗೌರವ ಸಲ್ಲಿಸಿದರು.
38 ವರ್ಷ ವಯಸ್ಸಿನ ರಾಸ್ ಟೇಲರ್ಗೆ ನೆದರ್ಲ್ಯಾಂಡ್ ವಿರುದ್ಧದ ಪಂದ್ಯ 450 ನೇ ಏಕದಿನ ಪಂದ್ಯವಾಗಿದೆ.
ಕಳೆದ ವರ್ಷ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿಯ ವೇಳೆ ಕ್ರಿಕೆಟ್ಗೆ ವಿದಾಯ ಘೋಷಿಸಿದ ರಾಸ್ ಟೇಲರ್, ತಮ್ಮ ಕೊನೆಯ ಪಂದ್ಯವನ್ನು ತವರು ಮೈದಾನವಾದ ಸೆಡನ್ ಪಾರ್ಕ್ನಲ್ಲಿ ಆಡಲು ಬಯಸಿದ್ದರು. ಅದರಂತೆ ನೆದರ್ಲ್ಯಾಂಡ್ ವಿರುದ್ಧದ 3 ನೇ ಏಕದಿನದಲ್ಲಿ ಆಡುವ ಮೂಲಕ ಕ್ರಿಕೆಟ್ಗೆ ಭಾವಪೂರ್ಣ ವಿದಾಯ ಹೇಳಿದರು.
ಪಂದ್ಯ ಮುಕ್ತಾಯದ ಬಳಿಕ ವಿದಾಯ ಭಾಷಣ ಮಾಡಿದ ರಾಸ್, ದೇಶಕ್ಕಾಗಿ ನನ್ನೆಲ್ಲಾ ಪ್ರಯತ್ನ ಮೀರಿ ಆಟವಾಡಿದ್ದೇನೆ. ನನ್ನ ಸಾಮರ್ಥ್ಯ ಮೀರಿ ಕಠಿಣ ಸಂದರ್ಭದಲ್ಲೂ ದೇಶವನ್ನು ಪ್ರತಿನಿಧಿಸಿದ್ದೇನೆ. ಆ ಗೌರವ, ಹೆಮ್ಮೆ ನನಗಿದೆ. ನನ್ನೆಲ್ಲ ಅಭಿಮಾನಿಗಳಿಗೆ ಧನ್ಯವಾದಗಳು ಎಂದಿದ್ದಾರೆ.
2006 ರಲ್ಲಿ ತಮ್ಮ ಮೊದಲ ಏಕದಿನ ಅಂತಾರಾಷ್ಟ್ರೀಯ ಪಂದ್ಯ ಆಡಿರುವ ರಾಸ್ ಟೇಲರ್ , ಅದರ ನಂತರದ ವರ್ಷದಲ್ಲಿ ಟೆಸ್ಟ್ ಆಡಿದರು. ರಾಸ್ ಟೇಲರ್ ಈವರೆಗೂ 112 ಟೆಸ್ಟ್‌ಗಳನ್ನು ಆಡಿದ್ದು, 19 ಶತಕಗಳು ಸೇರಿದಂತೆ 7,683 ರನ್ ಗಳಿಸಿದ್ದಾರೆ. 236 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 8,593 ರನ್ ಗಳಿಸಿದ್ದಾರೆ. 102 ಟ್ವೆಂಟಿ-20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 1,909 ರನ್ ಗಳಿಸಿದ್ದಾರೆ.
https://twitter.com/sparknzsport/status/1510841203989786627?ref_src=twsrc%5Etfw%7Ctwcamp%5Etweetembed%7Ctwterm%5E1510841203989786627%7Ctwgr%5Ehb_0_8%7Ctwcon%5Es1_c10&ref_url=https%3A%2F%2Fhosadigantha.com%2Fross-taylor-says-goodbye-to-cricket-life-guard-of-honor-netherlands%2F
