ಹೊಸದಿಲ್ಲಿ: ಐಪಿಎಲ್‌ನ 9ನೇ ಆವೃತ್ತಿಯ ಶುಕ್ರವಾರದ ಪಂದ್ಯದಲ್ಲಿ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡವು ಕಿಂಗ್ಸ್‌ ಇಲೆವೆನ್‌ ಪಂಜಾಬ್ ತಂಡದೆದುರು 8 ವಿಕೆಟ್‌ಗಳ ಭರ್ಜರಿ ಜಯ ಸಾಧಿಸಿದೆ.
20 ಓವರ್‌ಗಳಲ್ಲಿ ಪಂಜಾಬ್ 9 ವಿಕೆಟ್ ನಷ್ಟಕ್ಕೆ 111 ರನ್ ಗಳಿಸಿತು. ಡೆಲ್ಲಿ ಡೇರ್ ಡೆವಿಲ್ಸ್ ತಂಡಕ್ಕೆ 112 ರನ್‌ಗಳ ಗುರಿ ನೀಡಿತು. ಡೆಲ್ಲಿ ಪರ ಜಾಹೀರ್ ಖಾನ್ 14 ರನ್ ನೀಡಿ 1 ವಿಕೆಟ್ ಪಡೆದರೆ, ಮಿಶ್ರಾ 11 ರನ್‌ಗೆ 4 ವಿಕೆಟ್ ಪಡೆದು, ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಪಂಜಾಬ್ ನೀಡಿದ ಸುಲಭವಾದ ಗುರಿ ಬೆನ್ನಟ್ಟಿದ ಡೆಲ್ಲಿ ಡೇರ್ ಡೆವಿಲ್ಸ್ ಕ್ವಿಂಟನ್ ಡಿಕಾಕ್ ಅವರ 59, ಸಂಜು ಸ್ಯಾಮ್ಸನ್ ಅವರ 33 ರನ್ ಸಹಾಯದಿಂದ 13.3 ಓವರ್‌ಗಳಲ್ಲಿಯೇ ಜಯಗಳಿಸಿತು. ಇದರೊಂದಿಗೆ ಐಪಿಎಲ್ 9ನೇ ಆವೃತ್ತಿಯ ಪಂದ್ಯದಲ್ಲಿ ಮೊದಲ ಗೆಲುವು ಪಡೆಯಿತು.
ಶ್ರೇಯಸ್‌ ಅಯ್ಯರ್‌ ಅವರನ್ನು ಬೇಗನೇ ಕಳೆದುಕೊಂಡ ಬಳಿಕ ಕಾಕ್‌ ಮತ್ತು ಸ್ಯಾಮ್ಸನ್ ತಂಡವನ್ನು ಆಧರಿಸಿದರು. ಪಂಜಾಬ್ ದಾಳಿಯನ್ನು ದಿಟ್ಟವಾಗಿ ಎದುರಿಸಿದ ಅವರಿ ಬ್ಬರು ದ್ವಿತೀಯ ವಿಕೆಟಿಗೆ 91 ರನ್ ಪೇರಿಸಿ ತಂಡದ ಗೆಲುವು ಖಚಿತಪಡಿಸಿದರು. ಗೆಲ್ಲಲು 12 ರನ್ ಗಳಿರುವಾಗ ಸ್ಯಾಮ್ಸನ್ ಔಟಾದರು. 32 ಎಸೆತ ಎದುರಿಸಿದ ಅವರು 33 ರನ್ ಹೊಡೆದರೆ ಕಾಕ್‌ 59 ರನ್ ಗಳಿಸಿ ಅಜೇಯರಾಗಿ ಉಳಿದರು. 42 ಎಸೆತ ಎದುರಿಸಿದ ಅವರು 9 ಬೌಂಡರಿ ಮತ್ತು 1 ಸಿಕ್ಸರ್‌ ಬಾರಿಸಿದರು.
