ನವದೆಹಲಿ: ಮೈಕ್ರೊ ಬ್ಲಾಗಿಂಗ್ ತಾಣವಾದ ಟ್ವಿಟರ್ ತಾನು ಪೋಸ್ಟ್ ಗಳಲ್ಲಿ ಎಡಿಟ್ ಬಟನ್ ಆಯ್ಕೆ ನೀಡುವ ಬಗ್ಗೆ ಕಾರ್ಯಪ್ರವೃತ್ತವಾಗಿರುವುದಾಗಿ ತಿಳಿಸಿದೆ.
ಇದುವರೆಗೂ ಬಳಕೆದಾರರು ಮಾಡುವ ಟ್ವೀಟ್ ಗಳನ್ನು ಪೋಸ್ಟ್ ಮಾಡಿದ ನಂತರ ಎಡಿಟ್ ಮಾಡುವ ಆಯ್ಕೆ ಇರಲಿಲ್ಲ.ಇದೇ ವೇಳೆ ಎಡಿಟ್ ಬಟನ್ ನೀಡುವುದರಿಂದ ಬಳಕೆದಾರರು ಅದನ್ನು ದುರುಪಯೋಗ ಪಡಿಸಿಕೊಳ್ಳುವ ಸಾಧ್ಯತೆ ಇದೆಯೆಂದು ಟ್ವಿಟ್ಟರ್ ಆತಂಕ ವ್ಯಕ್ತಪಡಿಸಿದೆ.
ಅನೇಕ ಬಳಕೆದಾರರು ವರ್ಷಗಳಿಂದ ಪೋಸ್ಟ್ ನಲ್ಲಿನ ದೋಷಗಳನ್ನು ಸರಿಪಡಿಸಲು ಎಡಿಟ್ ಆಯ್ಕೆ ನೀಡುವಂತೆ ಒತ್ತಾಯಿಸುತ್ತಲೇ ಬಂದಿದ್ದರು. ಇದೀಗ ಟ್ವಿಟರ್ ಬಳಕೆದಾರರ ಮನವಿಯನ್ನು ಪೂರೈಸುತ್ತಿದೆ.
ಎಡಿಟ್ ಬಟನ್ ಮುಂದಿನದಿನಗಳಲ್ಲಿ ಬಳಕೆದಾರರಿಗೆ ಸಿಗಲಿದೆ. ಅದಕ್ಕೂ ಮೊದಲು ಬ್ಲೂ ಟಿಕ್ ಖಾತೆದಾರರಿಗೆ ಮಾತ್ರವೇ ಈ ಆಯ್ಕೆಯನ್ನು ನೀಡುವ ಬಗ್ಗೆ ಟ್ವಿಟರ್ ಚಿಂತನೆ ನಡೆಸುತ್ತಿದೆ.