ಮಂಡ್ಯ: ನಗರದಲ್ಲಿ ಕಾಲೇಜೊಂದರಲ್ಲಿ ಕೇಸರಿ ಶಾಲು ವರ್ಸಸ್ ಹಿಜಾಬ್ ಸಂದರ್ಭದಲ್ಲಿ, ಮುಸ್ಲೀಂ ವಿದ್ಯಾರ್ಥಿನಿಯೊಬ್ಬಳೇ ಆಗಮಿಸಿ, ಎಲ್ಲರ ನಡುವೆ ಅಲ್ಲಾ ಹು ಅಕ್ಬರ್ ಘೋಷಣೆ ಕೂಗಿ ಗಮನ ಸೆಳೆದಿದ್ದರು. ಈ ಬಳಿಕ ಹಲವು ಮುಸ್ಲೀಂ ಮುಖಂಡರು ಆಕೆಯ ಮನೆಗೆ ಭೇಟಿ ನೀಡಿ, ಗಿಫ್ಟ್ ಸೇರಿದಂತೆ ಹಲವು ಉಡುಗೋರೆ ಕೂಡ ನೀಡಿದ್ದರು.
ಇದಲ್ಲದೇ ಆಕೆಯನ್ನು ಆಲ್ ಖೈದಾ ಸಂಘಟನೆಯ ಮುಸ್ಕಾನ್ ಹಾಡಿಹೊಗಳಿದ್ದರು. ಈ ಬೆನ್ನಲ್ಲೇ ವಿದ್ಯಾರ್ಥಿನಿ ಹಾಗೂ ಆಕೆಯ ಕುಟುಂಬದವರು ವಿದೇಶಕ್ಕೆ ಪೊಲೀಸರ ಕಣ್ ತಪ್ಪಿಸಿ ಹಾರಿರೋದ್ದಾರೆ ಎನ್ನಲಾಗಿದೆ.
ಕಳೆದ ಏಪ್ರಿಲ್ 25, 2022ರಂದು ಸೌದಿ ಪ್ರವಾಸಕ್ಕೆ ಅಲ್ಲಾ ಹು ಅಕ್ಬರ್ ಘೋಷಣೆ ಕೂಗಿದ್ದಂತ ಮುಸ್ಕಾನ್ ಮತ್ತು ಕುಟುಂಬ ಪ್ರವಾಸ ಕೈಗೊಂಡಿದೆ ಎನ್ನಲಾಗಿದೆ. ಪೊಲೀಸರಿಗೂ ಯಾವುದೇ ಮಾಹಿತಿ ನೀಡದೇ ವಿದೇಶಕ್ಕೆ ಕುಟುಂಬ ತೆರಳಿದೆ ಎಂದು ಹೇಳಲಾಗಿದೆ. ಜೊತೆಗೆ ಇದು ಧಾರ್ಮಿಕ ಪ್ರವಾಸ ಎಂದು ಕೂಡ ಮಾಹಿತಿ ಸಿಕ್ಕಿದೆ.
ಅಂದಹಾಗೇ ಮುಸ್ಕಾನ್ ಅಲ್ಲಾಹು ಅಕ್ಬರ್ ಘೋಷಣೆ ಕೂಗಿದ ಬಳಿಕ, ಅನೇಕ ಮುಖಂಡರು ಆಕೆಯ ಮನೆಗೆ ಭೇಟಿ ನೀಡಿದ್ದರು. ಜೊತೆಗೆ ಆಲ್ ಖೈದಾ ಸಂಘಟನೆಯ ಮುಸ್ಕಾನ್ ಬಗ್ಗೆ ಗುಣಗಾನ ಮಾಡಿತ್ತು. ಹೀಗಾಗಿ ಆಕೆಯ ಬಗ್ಗೆ ತನಿಖೆ ಮಾಡುವಂತೆಯೂ ಪೊಲೀಸರ ಮೇಲೆ ಒತ್ತಡ ಹೆಚ್ಚಾಗಿತ್ತು. ಪೊಲೀಸರು ಮುಸ್ಕಾನ್ ಕುಟುಂಬವರ ಮೇಲೆ ಹದ್ದಿನ ಕಣ್ಣಿಟ್ಟಿದ್ದರು ಎನ್ನಲಾಗಿದೆ. ಈ ಬೆನ್ನಲ್ಲೇ ಕುಟುಂಬ ಪೊಲೀಸರನ್ನು ಯಾಮಾರಿಸಿ ಸೌದಿ ಪ್ರವಾಸ ಕೈಗೊಂಡಿರೋದು ಹಲವು ಅನುಮಾನಗಳಿಗೂ ಕಾರಣವಾಗಿದೆ.