ಚಾಮರಾಜನಗರ: ರಸ್ತೆಯಲ್ಲಿ ಆನೆಯೊಂದು ತಾನೆ ತಪಾಸಣಾ ಅಧಿಕಾರಿಯೆಂಬಂತೆ ಪ್ರತಿಯೊಂದು ವಾಹನವನ್ನ ಚೆಕ್ ಮಾಡುತ್ತ ಮುಂದೆ ಸಾಗುತ್ತಿರುವ ಅದ್ಬುತ ದೃಶ್ಯವನ್ನ ಚಾಮರಾಜನಗರ ಜಿಲ್ಲೆ ಗಡಿಭಾಗದ ಗೇರುಮಾಳದ ಬಳಿ ವ್ಯಕ್ತಿಯೊಬ್ಬರು ಮೊಬೈಲ್ ಕ್ಯಾಮರಾದಲ್ಲಿ ಸೆರೆಹಿಡಿದಿದ್ದಾರೆ.
ನಡುಗಾಡಿನಿಂದ ಹೊರಬಂದ ಒಂಟಿ ಸಲಗವೊಂದು ರಸ್ತೆ ಮಾರ್ಗದಲ್ಲಿ ಚಲಿಸುವ ಎಲ್ಲಾ ವಾಹನಗಳನ್ನು ಚೆಕ್ ಮಾಡುತ್ತ ಮುಂದೆ ಸಾಗಿದ ಪ್ರಸಂಗ ಚಾಮರಾಜನಗರ ಗಡಿಭಾಗದ ಗೇರುಮಾಳ ಬಳಿ ನಡೆದಿದೆ.
ಆನೆಯ ತಪಾಸಣೆ ದ್ರಶ್ಯವನ್ನ ವ್ಯಕ್ತಿಯೊಬ್ಬರು ಮೊಬೈಲ್ ಕ್ಯಾಮರಾದಲ್ಲಿ ಸೆರೆಹಿಡಿದಿದ್ದು, ಕಬ್ಬು, ತರಕಾರಿ ಸೇರಿದಂತೆ ಇನ್ನಿತರ ಆಹಾರ ಪದಾರ್ಥಗಳನ್ನು ತಡಕಾಡುತ್ತಿದ್ದ ಆನೆಯ ವಿಡಿಯೋ ಸವಾರರಲ್ಲಿ ಕೆಲಕಾಲ ಆತಂಕ ಉಂಟು ಮಾಡಿತ್ತಾದರೂ ಸರ್ಚಿಂಗ್ ಆಫೀಸರ್ ಗಜರಾಜನ ಗಾಂಭೀರ್ಯತೆಯನ್ನ ಕಣ್ತುಂಬಿಕೊಳ್ಳೋ ಅವಕಾಶ ಸಿಕ್ಕಿತು ಎಂದು ಚಾಲಕರೊಬ್ಬರು ತಮ್ಮ ಅನುಭವವನ್ನ ಹಂಚಿಕೊಂಡಿದ್ದಾರೆ.