ಶಿವಮೊಗ್ಗ : ಏಳಿಗೆ ಗ್ರಾಮದ ಸರ್ಕಾರಿ ಶಾಲೆಯಲ್ಲಿ ಸೀರೆ ಕಟ್ಟಿ ಶೌಚಾಲಯ ಬಳಕೆ ಮಾಡಿದ ಪ್ರಕರಣದ ಬೆನ್ನು ಹತ್ತಿದ ಎಲ್ಲಾ ಮಾಧ್ಯಮಗಳ ವರದಿಯಿಂದ ಕೊನೆಗೂ ಸಾರ್ವಜನಿಕ ಶಿಕ್ಷಣ ಇಲಾಖೆ ಎಚ್ಚೆತ್ತುಕೊಂಡಿದೆ.
ಆದರೆ ಬಹಳ ಅಚ್ಚರಿ ಪಡಿಯುವ ವಿಷಯವೆಂದರೆ ಅಧಿಕ ಮೊತ್ತದಲ್ಲಿ ಹೊಸ ಶೌಚಾಲಯ ನಿರ್ಮಾಣ ವಾಗುತ್ತಿದೆ. ಆದರೆ ಈ ಹಣದಲ್ಲಿ ಶಾಲೆಯನ್ನೇ ಸರಿಪಡಿಸ ಬಹುದಿತ್ತು. ಆದರೆ ಶಾಲೆ ಸರಿಪಡಿಸುವ ಗೋಜಿಗೆ ಹೋಗದೆ, ಹೊಸ ಶೌಚಾಲಯ ನಿರ್ಮಾಣಕ್ಕೆ ಕೈಹಾಕಲಾಗುತ್ತಿದೆ. 5.20 ಲಕ್ಷ ರೂ ವೆಚ್ಚದಲ್ಲಿ 13 ಜನ ವಿದ್ಯಾರ್ಥಿಗಳಿರುವ ಶಾಲೆಗೆ ಹೊಸ ಶೌಚಾಲಯಗಳನ್ನ ನಿರ್ಮಿಸಲಾಗುತ್ತಿದೆ.
ಸಾರ್ವಜನಿಕ ಶಿಕ್ಷಣ ಇಲಾಖೆ ಮತ್ತು ನರೇಗಾ ಅಡಿಯಲ್ಲಿ ಈ ಕಾಮಗಾರಿ ನಡೆಸಲಾಗುತ್ತಿದೆ. ಶಾಲೆ ಆವರಣದಲ್ಲಿ ಚೌಕವನ್ನ ನಿರ್ಮಿಸಿ ಕಟ್ಟಡ ನಿರ್ಮಿಸಲು ಭರದಿಂದ ಸಾಗುತ್ತಿದೆ. ಇದರ ಜೊತೆಗೆ ಶಾಲೆಯ ಹಳೇಯ ಶೌಚಾಲಯವನ್ನ ಸರಿಪಡಿಸಲಾಗುತ್ತಿದೆ.