ಕುಂದಾಪುರ: ಉಡುಪಿ ಜಿಲ್ಲೆಯ ಬೈಂದೂರು ವಿಧಾನಸಭೆ ಕ್ಷೇತ್ರದ ನಾವುಂದ ಸಖಿ ಮತಗಟ್ಟೆಯಲ್ಲಿ ಮತದಾರರು ಉತ್ಸಾಹದಿಂದ ಮತದಾನದಲ್ಲಿ ಪಾಲ್ಗೊಂಡರು. ಗುರುತಿನ ಚೀಟಿಯೊಂದಿಗೆ ಮತಗಟ್ಟೆ ಆಗಮಿಸಿದ ಮತದಾರರು ತಮ್ಮ ಇಷ್ಟದ ಅಭ್ಯರ್ಥಿಗೆ ಮತವನ್ನು ಹಾಕುವುದರ ಮುಖೇನ ಮತ ಚಲಾವಣೆ ಮಾಡಿದ್ದಾರೆ.
ಅಜ್ಜಿಗೆ ಸಹಕರಿಸಿದ ಸೈನಿಕರು: ಬೈಂದೂರು ವಿಧಾನಸಭೆ ಕ್ಷೇತ್ರದ ನಾವುಂದ ಸಖಿ ಮತಗಟ್ಟೆಯಲ್ಲಿ 90 ವರ್ಷದ ಪ್ರಾಯದ ಅಜ್ಜಿಗೆ ಮತ ಕೇಂದ್ರಕ್ಕೆ ತೆರಳಲು ಸೈನಿಕರು ಅಜ್ಜಿಯ ಕೈ ಹಿಡಿದು ಸಹಕರಿಸಿದರು.
ಮೊದಲ ಬಾರಿಗೆ ಮತದಾನ ಮಾಡಲು ಉತ್ಸಾಹದಿಂದ ಯುವಕ ಯುವತಿಯರು ಮತಗಟ್ಟೆ ಬಂದು ಮತ ಚಲಾವಣೆ ಮಾಡಿದ್ದಾರೆ. ಹಿರಿಯ ನಾಗರಿಕರು ವೀಲ್‌ ಚೇರ್‌ನಲ್ಲಿ ಬಂದು ಮತದಾನ ಮಾಡಿದರು.
