ಮಣಿಪಾಲ: ಕಸ್ತೂರ್ಬಾ ವೈದ್ಯಕೀಯ ಕಾಲೇಜು ಮತ್ತು CSIR( ಕೌನ್ಸಿಲ್ ಆಫ್ ಸೈಂಟಿಫಿಕ್ & ಇಂಡಸ್ಟ್ರಿಯಲ್ ರಿಸರ್ಚ್) -CDRI (ಸೆಂಟ್ರಲ್ ಡ್ರಗ್ ರಿಸರ್ಚ್ ಇನ್ಸ್ಟಿಟ್ಯೂಟ್), ಲಕ್ನೋ ಖಾಸಗಿ-ಸಾರ್ವಜನಿಕ ಸಹಭಾಗಿತ್ವ ಒಪ್ರಂದ ಮಾಡಿಕೊಂಡಿದ್ದು, ಆಂಟಿಮೈಕ್ರೊಬಿಯಲ್ ರೆಸಿಸ್ಟೆನ್ಸ್ (ಆಂಟಿಮೈಕ್ರೊಬಿಯಲ್ ರೆಸಿಸ್ಟೆನ್ಸ್) ಕುರಿತು ಸಹಕಾರಿ ಸಂಶೋಧನಾ ಕಾರ್ಯಕ್ಕಾಗಿ ತಿಳುವಳಿಕೆ ಪತ್ರಕ್ಕೆ ಸಹಿ ಹಾಕಿದೆ. ಮಲ್ಟಿಡ್ರಗ್-ರೆಸಿಸ್ಟೆಂಟ್ (MDR) ಮತ್ತು ಔಷಧ-ನಿರೋಧಕ (XDR) ರೋಗಕಾರಕಗಳ ಸಂಶೋಧನಾ ಕ್ಷೇತ್ರಗಳಲ್ಲಿ ಸಂಶೋಧನೆ ನಡೆಯಲಿದೆ.
ಈ ಸಂದರ್ಭದಲ್ಲಿ, ಮಣಿಪಾಲದ ಕಸ್ತೂರ್ಬಾ ಮೆಡಿಕಲ್ ಕಾಲೇಜಿನ, ಮೈಕ್ರೋಬಯಾಲಜಿ ವಿಭಾಗದ ಪ್ರೊಫೆಸರ್ ಮತ್ತು ಮುಖ್ಯಸ್ಥರಾದ ಡಾ.ವಂದನಾ ಕೆ.ಇ ಮತ್ತು ಅಸೋಸಿಯೇಟ್ ಡೀನ್ ಮತ್ತು ಮೈಕ್ರೋಬಯಾಲಜಿಯ ಪ್ರೊಫೆಸರ್ ಡಾ.ಚಿರಂಜಯ್ ಮುಖೋಪಾಧ್ಯಾಯ ನೇತೃತ್ವದ ತಂಡವು ಲಕ್ನೋ ಸಿಎಸ್ಐಆರ್-ಸಿಡಿಆರ್ಐ ಪ್ರತಿನಿಧಿಸಿತು. ಒಂದು ವಾರದವರೆಗೆ ಕಾರ್ಯಕ್ರಮ ನಡೆಯಿತು.
ಡಾ. ಎನ್ ಕಲೈಸೆಲ್ವಿ ಮಾತನಾಡಿ “ರಾಷ್ಟ್ರವು ಸಿಎಸ್ಐಆರ್ ಲ್ಯಾಬ್ಗಳಿಂದ ಮತ್ತು ಈ ಸಹಯೋಗಗಳಿಂದ ಅನೇಕ ನಿರೀಕ್ಷೆಗಳನ್ನು ಹೊಂದಿದೆ, ನಾವು ರಾಷ್ಟ್ರಕ್ಕೆ ನಮ್ಮ ಕೊಡುಗೆಗಳ ಮೂಲಕ ದೇಶವು ನಮ್ಮ ಬಗ್ಗೆ ಹೆಮ್ಮೆ ಪಡುವ ಸಾಧನೆ ಮಾಡಬೇಕು. ಇಬ್ಬರ ನಡುವಿನ ಈ ಪಾಲುದಾರಿಕೆ AMR ಸಂಶೋಧನೆಯಲ್ಲಿ ತಮ್ಮ ಛಾಪು ಮೂಡಿಸಿರುವ ಪ್ರತಿಷ್ಠಿತ ಸಂಸ್ಥೆಗಳು ಆಂಟಿಮೈಕ್ರೊಬಿಯಲ್ ರೆಸಿಸ್ಟೆನ್ಸ್ಗೆ ಸಂಬಂಧಿಸಿದ ಜ್ವಲಂತ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವಲ್ಲಿ ಧನಾತ್ಮಕ ಫಲಿತಾಂಶ ನೀಡುವ ನಿರೀಕ್ಷೆ ಇದೆ ಎಂದರು.
ಮುಂಬರುವ ದಿನದಲ್ಲಿ CSIR-CDRI ನಿರ್ದೇಶಕರಾದ ಡಾ ರಾಧಾ ರಂಗರಾಜನ್ ಅವರು CSIR-CDRI ಯಿಂದ ತಂಡವನ್ನು ಮುನ್ನಡೆಸಲಿದ್ದಾರೆ. ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ನ (MAHE) VC ಲೆಫ್ಟಿನೆಂಟ್ ಜನರಲ್ (ಡಾ.) M. D. ವೆಂಕಟೇಶ್ ಈ ಬಗ್ಗೆ ಒಪ್ಪಂದದ ಬಗ್ಗೆ ವಿವರಿಸಿದ್ದು, CSIR-CDRI ಮತ್ತು MAHE ನಡುವಿನ ಒಪ್ಪಂದ ರಾಷ್ಟ್ರೀಯ ಮಟ್ಟದಲ್ಲಿ ಒಂದು ಹೆಗ್ಗುರುತು ಸಂಶೋಧನಾ ಪಾಲುದಾರಿಕೆಯಾಗಿದೆ. ಶ್ರೇಷ್ಠತೆ. ಮೈಕ್ರೋಬಯಾಲಜಿ ವಿಭಾಗವು ಈಗಾಗಲೇ ಆಂಟಿಮೈಕ್ರೊಬಿಯಲ್ ಸಂಶೋಧನೆಯಲ್ಲಿ ಶ್ರೇಷ್ಠತೆಯ ಕೇಂದ್ರವೆಂದು ಗುರುತಿಸಲ್ಪಟ್ಟಿದೆ. ರಾಷ್ಟ್ರೀಯ ಆಂಟಿಮೈಕ್ರೊಬಿಯಲ್ ಪ್ರತಿರೋಧ ಮತ್ತು ಉಸ್ತುವಾರಿ ಕಾರ್ಯಕ್ರಮಗಳಲ್ಲಿ ವಿಭಾಗವು ಅಪಾರ ಕೊಡುಗೆ ನೀಡಿದೆ. ಈ ಹೊಸ ಪಾಲುದಾರಿಕೆಯು ಆಂಟಿಮೈಕ್ರೊಬಿಯಲ್ ರೆಸಿಸ್ಟೆನ್ಸ್ಗೆ ಸಂಬಂಧಿಸಿದ ಜ್ವಲಂತ ಸಮಸ್ಯೆಗಳಿಗೆ ಪರಿಹಾರಕ್ಕೆ ನೆರವಾಗಲಿದೆ ಎಂದರು.
ಸಿಎಸ್ಐಆರ್ನ ಮಹಾನಿರ್ದೇಶಕ ಡಾ. ಎನ್. ಕಲೈಸೆಲ್ವಿ ಉಪಸ್ಥಿತರಿದ್ದರು.