ಕಾಸರಗೋಡು: ಭಾರೀ ಮಳೆಗೆ ಕಟ್ಟಡವೊಂದು ಕುಸಿದು ಬಿದ್ದ ಘಟನೆ ರವಿವಾರ ಬೆಳಿಗ್ಗೆ ವರ್ಕಾಡಿ ಸಮೀಪದ ಸುಂಕದಕಟ್ಟೆಯಲ್ಲಿ ನಡೆದಿದೆ.
ಕಟ್ಟಡದಲ್ಲಿ ವಸತಿ ಕೊಠಡಿ , ವಾಣಿಜ್ಯ ಮಳಿಗೆ ಮಲಿಗೆಳಿದ್ದವು. ರಸ್ತೆ ಬದಿ ಇಳಿಜಾರು ಸ್ಥಳದಲ್ಲಿ ವರ್ಷಗಳ ಹಿಂದೆ ನಿರ್ಮಿಸಿದ್ದ ಈ ಕಟ್ಟಡ ಮಳೆಯ ತೀವ್ರತೆಗೆ ಜನರು ನೋಡು ನೋಡುತ್ತಿದ್ದಂತೆಯೇ ನೆಲಕಚ್ಚಿದೆ.
ಕೆಲ ದಿನಗಳ ಹಿಂದೆ ಈ ಕಟ್ಟಡ ದಲ್ಲಿ ಬಿರುಕು ಕಂಡು ಬಂದಿತ್ತು . ಇದರಿಂದ ಈ ಕಟ್ಟಡದಲ್ಲಿದ್ದವರು ಸ್ಥಳಾಂತರಗೊಂಡಿದ್ದರು. ಮೊದಲೇ ಮುಂಜಾಗ್ರತಾ ಕ್ರಮ ತೆಗೆದುಕೊಂಡ ಪರಿಣಾಮ ಭಾರೀ ದುರಂತ ತಪ್ಪಿಹೋಗಿದೆ. ಘಟನೆಯಲ್ಲಿ ಯಾರಿಗೂ ಅಪಾಯ ಉಂಟಾಗಿಲ್ಲ
