ಕಾಸರಗೋಡು : ಜಿಲ್ಲೆಯ ವಿವಿಧ ಕೋಟೆಗಳನ್ನು ಸಂದರ್ಶಿಸಿ ಅವುಗಳ ಚಾರಿತ್ರಿಕ ಹಿನ್ನೆಲೆಯನ್ನು ನೆನಪಿಸುವ ವಿದ್ಯಾರ್ಥಿಗಳ ಅಧ್ಯಯನ ಯಾತ್ರೆ ನಡೆಸಲಾಗಿದೆ.
ಕೋಟೆಗಳ ನಾಡು ಎಂದೇ ಹೆಸರಾಗಿರುವ ಕಾಸರಗೋಡು ಜಿಲ್ಲೆಯ ವಿವಿಧ ಕೋಟೆಗಳಿಗೆ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯು ಜಿಲ್ಲಾ ವಾರ್ತಾ ಕಛೇರಿಯ ಆಶ್ರಯದಲ್ಲಿ ಹಮ್ಮಿಕೊಂಡಿದ್ದ ಪ್ರವಾಸವು ಜಿಲ್ಲೆಯ ಸಾಂಸ್ಕೃತಿಕ ಪರಂಪರೆ ಹಾಗೂ ಐತಿಹಾಸಿಕ ಸ್ಮಾರಕಗಳಿಗಿರುವ ಹಿನ್ನೋಟವಾಯಿತು.
ವಿಶ್ವ ಪರಂಪರೆ ಸಪ್ತಾಹದ ಪ್ರಯುಕ್ತ ವಾರ್ತಾ ಸಾರ್ವಜನಿಕ ಸಂಪರ್ಕ ಇಲಾಖೆ ಕಾಸರಗೋಡು, ಜಿಲ್ಲಾ ಮಾಹಿತಿ ಕಛೇರಿ ಕಾಸರಗೋಡು, ಜಿಲ್ಲಾ ಪ್ರವಾಸೋದ್ಯಮ ಪ್ರಮೋಷನ್ ಕೌನ್ಸಿಲ್ ಕಾಸರಗೋಡು ಇವುಗಳ ಸಂಯುಕ್ತ ಆಶ್ರಯದಲ್ಲಿ ಪ್ರವಾಸೋದ್ಯಮ ವಿದ್ಯಾರ್ಥಿಗಳಿಗೆ ವೃತ್ತಿ ಮಾರ್ಗದರ್ಶನ ನೀಡುವ ಅಧ್ಯಯನ ಪ್ರವಾಸ, “ಕೋಟೆಯಿಂದ ಕೋಟೆಗೆ” ಎಂಬ ಪಾರಂಪರಿಕ ಪ್ರವಾಸದ ಭಾಗವಾಗಿ ಜಿಲ್ಲೆಯ ಕೋಟೆಗಳಿಗೆ ಭೇಟಿ ನೀಡಲಾಯಿತು.
ಈ ಕೋಟೆಗಳು ಕಾಸರಗೋಡಿನ ಆರ್ಥಿಕ ಅಭಿವೃದ್ಧಿಯ ಹಾಗೂ ಬಂದರುಗಳ ಮೂಲಕ ಇರುವ ನೈಸರ್ಗಿಕ ಸಂಪನ್ಮೂಲಗಳನ್ನು ರಫ್ತು ಮಾಡಿರುವುದರ ಸಾಕ್ಷಿಯಾಗಿದೆ. ಈ ಕೋಟೆಗಳಿಗಿರುವ ಪ್ರವಾಸವು ನಾಡಿನ ಇತಿಹಾಸದ ಮರು ಓದುವಿಕೆಯಾಯಿತು. ಕೋಟೆಗಳ ಪ್ರವಾಸ ವಿದ್ಯಾರ್ಥಿಗಳಿಗಂತೂ ಹೊಸ ಅನುಭವ. ಜಿಲ್ಲೆಯ ವಿವಿಧ ಕಾಲೇಜುಗಳ 47 ಟ್ರಾವೆಲ್ ಮತ್ತು ಟೂರಿಸಂ ವಿದ್ಯಾರ್ಥಿಗಳು ಪ್ರವಾಸದಲ್ಲಿ ಭಾಗಿಯಾಗಿದ್ದರು.
ಜಿಲ್ಲಾಧಿಕಾರಿ ಭಂಡಾರಿ ಸ್ವಾಗತ್ ರಣವೀರ್ ಚಂದ್ ಯಾತ್ರೆಗೆ ಚಾಲನೆ ನೀಡಿದರು. ಸಹಾಯಕ ಜಿಲ್ಲಾಧಿಕಾರಿ ಡಾ. ಮಿಥುನ್ ಪ್ರೇಮರಾಜ್, ಜಿಲ್ಲಾ ಮಾಹಿತಿ ಅಧಿಕಾರಿ ಎಂ. ಮಧುಸೂದನನ್, ಡಿಟಿಪಿಸಿ ಕಾರ್ಯದರ್ಶಿ ಲಿಜೋ ಜೋಸೆಫ್, ಫಾಕ್ ಲ್ಯಾಂಡ್ ಚೆಯರ್ ಮೇನ್ ಅಡ್ವ ವಿಜಯರಾಜನ್, ರವೀಂದ್ರನ್ ಪಾಡಿ, ಮಂಜೇಶ್ವರ ಗೋವಿಂದ ಪೈ ಸ್ಮಾರಕ ಸರಕಾರಿ ಕಾಲೇಜಿನ ಟ್ರಾವೆಲ್ ಆಂಡ್ ಟೂರಿಸಂ ವಿಭಾಗದ ಮುಖ್ಯಸ್ಥೆ ( ಎಚ್ ಒ ಡಿ) ಡಾ. ಸಿಂಧು ಜೋಸೆಫ್, ಕೇರಳ ಕೇಂದ್ರೀಯ ವಿಶ್ವ ವಿದ್ಯಾಲಯದ ಪ್ರವಾಸೋದ್ಯಮ ಅಧ್ಯಯನ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ. ಕೆ. ಐ. ಶಿವಪ್ರಸಾದ್, ಪ್ರವಾಸಿ ಮಾರ್ಗದರ್ಶಿ ನಿರ್ಮೇಶ್ ಕುಮಾರ್ ಮತ್ತಿತರರು ದ್ವಜ ಚಾಲನಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಮಂಜೇಶ್ವರ ಗೋವಿಂದ ಪೈ ಸ್ಮಾರಕ ಸರಕಾರಿ ಕಾಲೇಜು, ಕೇರಳದ ಕೇಂದ್ರೀಯ ವಿಶ್ವವಿದ್ಯಾಲಯ, ಮಾಲಿಕ್ ದಿನಾರ್ ಕಾಲೇಜು, ಮಲಬಾರ್ ಕಾಲೇಜು ಎಂಬಿವುಗಳ ಟ್ರಾವೆಲ್ ಆಂಡ್ ಟೂರಿಸಂ ವಿದ್ಯಾರ್ಥಿಗಳು ಕೋಟೆಗಳಿಗಿರುವ ಪ್ರವಾಸದಲ್ಲಿ ಭಾಗಿಯಾದರು.