ಕಲಬುರಗಿ: ಬೈಕ್ ಹಾಗೂ ಲಾರಿ ಮಧ್ಯೆ ಅಪಘಾತ ಸಂಭವಿಸಿದ ಘಟನೆ ತಾಲ್ಲೂಕಿನ ಫರಹತಾಬಾದ್ ಸಮೀಪದ ಕೂಡಿ ದರ್ಗಾ ಬಳಿ ಶುಕ್ರವಾರ ರಾತ್ರಿ ನಡೆದಿದೆ.
ಈ ಅಪಘಾತದಲ್ಲಿ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದು, ಜೇವರ್ಗಿ ತಾಲ್ಲೂಕಿನ ಎಸ್.ಎನ್. ಹಿಪ್ಪರಗಾ ಗ್ರಾಮದ ಲಕ್ಷ್ಮಣ ರವಿ ಮಲ್ಲಾಬಾದ (19), ಆಕಾಶ ಶರಣಪ್ಪ ಬಡಿಗೇರ (25) ಹಾಗೂ ಶಿವು ಸಿದ್ದಪ್ಪ ಮ್ಯಾಗೇರಿ (24) ಮೃತಪಟ್ಟಿದ್ದಾರೆ.
ಮೂವರೂ ಒಂದೇ ಬೈಕ್ನಲ್ಲಿ ಸೋಮನಾಥಹಳ್ಳಿಯಿಂದ ಹಸನಾಪುರಕ್ಕೆ ತೆರಳುತ್ತಿದ್ದರು. ಜೇವರ್ಗಿಯಿಂದ ಕಲಬುರಗಿಯತ್ತ ಬರುತ್ತಿದ್ದ ಲಾರಿ ಡಿಕ್ಕಿ ಹೊಡೆಯಿತು.