ಬೀದರ್: ಬಾಲಿವುಡ್‌ನ ಇಂಡಿಯನ್ ಐಡಲ್-14 ಆಡಿಷನ್ ವಿಡಿಯೋ ವೈರಲ್ ಆಗಿದೆ. ಬೀದರ್‌ನ ಚಿಕ್ಕ ವಯಸ್ಸಿನ ಗಾಯಕಿ ಶಿವಾನಿ ಶಿವದಾಸ ಸ್ವಾಮಿ ಆಡಿಷನ್‌ನಲ್ಲಿಯೇ ಎಲ್ಲರ ಹೃದಯ ಗೆದಿದ್ದಾರೆ. ದಮ್ ಮಸ್ತ್ ಕಲಂದರ್ ಹಾಡನ್ನ ಹಾಡುವ ಮೂಲಕ ನಿರ್ಣಾಯಕರನ್ನ ಮಂತ್ರಮುಗ್ಧಗೊಳಿಸಿದ್ದಾಳೆ.
ದಮ್ ಮಸ್ತ್ ಕಲಂದರ್ ಅಂತಲೇ ಅತಿ ಎತ್ತರಕ್ಕೂ ಹಾಡಿ ಬಿಡುವ ಶಕ್ತಿ ಈ ಹುಡುಗಿಗೆ ಇದೆ. ಅದನ್ನೂ ಇಲ್ಲಿ ಪ್ರದರ್ಶನ ಮಾಡಿರೋ ಗಾಯಕಿ ಶಿವಾನಿ ಗಾಯನ ಮೆಚ್ಚಿ ನಿರ್ಣಾಯಕರು ಈ ಹುಡುಗಿಯನ್ನ ಇಂಡಿಯನ್ ಐಡಲ್ ಸ್ಪರ್ಧೆಗೆ ಆಯ್ಕೆ ಮಾಡಿಕೊಂಡಿದ್ದಾರೆ.
ಹಾಗೆ ಆಯ್ಕೆ ಪ್ರಕ್ರಿಯೆಯಲ್ಲಿ ಚಿತ್ರೀಕರಿಸಿದ ಆಡಿಷನ್ ವಿಡಿಯೋ ಇದೀಗ ಹೆಚ್ಚು ಗಮನ ಸೆಳೆಯುತ್ತಿದೆ. ಈ ಮೂಲಕ ಕನ್ನಡದ ಅದರಲ್ಲೂ ಉತ್ತರ ಕರ್ನಾಟಕ ಭಾಗದ ಶಿವಾನಿ ಶಿವದಾಸ ಸ್ವಾಮಿ ಇಂಡಿಯನ್ ಐಡಲ್‌ನಲ್ಲಿ ಆರಂಭದಲ್ಲಿಯೇ ಅತಿ ಹೆಚ್ಚು ಗಮನ ಸೆಳೆಯುತ್ತಿದ್ದಾಳೆ ಅಂತಲೂ ಹೇಳಬಹುದು.
