ಬೀದರ್: ರೇಕುಳಗಿ ಗ್ರಾಮ ಪಂಚಾಯತ್ ನಲ್ಲಿ ನಕಲಿ ಅಧ್ಯಕ್ಷರು ನಕಲಿ ಉಪಾಧ್ಯಕ್ಷರು , ಹಾಗೂ ನಕಲಿ ಸದಸ್ಯರುಗಳ ಹಾವಳಿ ಹೆಚ್ಚಾಗಿದ್ದು ಅವರ ಮೂಲ ಸದಸ್ಯತ್ವವನ್ನು ಪತ್ತೆ ಹಚ್ಚಿ ಅವರ ಸದಸ್ಯವನ್ನು ರದ್ದುಪಡಿಸಬೇಕು ಹಾಗೂ ಸಂಬಂಧಪಟ್ಟ ಪಂಚಾಯತ ಅಭಿವೃದ್ಧಿ ಅಧಿಕಾರಿಗಳು ಅವರ ಮೇಲೆ ಕ್ರಮ ತಗೊಳ್ಳಬೇಕು ಎಂದು ಇತರ ಸದಸ್ಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ರೇಕುಳಗಿ ಗ್ರಾಮ ಪಂಚಾಯತ್ ನಲ್ಲಿ ಮಹಿಳಾ ಸದಸ್ಯರು 10 ಜನ , ಪುರುಷ ಸದಸ್ಯರು 10 ಜನ ಒಟ್ಟು ಸದಸ್ಯರುಗಳ ಸಂಖ್ಯೆ 20 ಜನ ಸದಸ್ಯರಿದ್ದು ರೇಕುಳಗಿ ಗ್ರಾಮ ಪಂಚಾಯತ್ ನಲ್ಲಿ ಮಹಿಳಾ ಸದಸ್ಯರ ಬದಲು ಅವರ ಸಂಬಂಧಿಗಳು ಅಂದರೆ ಮಹಿಳಾ ಹಾಲಿ ಅಧ್ಯಕ್ಷರ ಮಗ, ಮಹಿಳಾ ಉಪಾಧ್ಯಕ್ಷರ ಗಂಡ, ಮಹಿಳಾ ಸದಸ್ಯರ ಆಯ, ಮಗ, ಗಂಡ ಇವರುಗಳು ಸೇರಿಕೊಂಡು ಮಹಿಳಾ ಸದಸ್ಯರನ್ನು ಮನೆಯಲ್ಲಿ ಕೂಡಿಸಿ ಇವರುಗಳೇ ಗ್ರಾಮ ಪಂಚಾಯತನಲ್ಲಿ ಅತಿ ಹೆಚ್ಚಾಗಿ ಪಂಚಾಯತ್ ನ ಸರ್ವಅಧಿಕಾರ ನಡೆಸುತ್ತಿದ್ದಾರೆ.
ಬೀದರ ತಾಲೂಕು ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿಗಳ ಕಚೇರಿಗೆ ಬಂದು ನಾವು ಅಧ್ಯಕ್ಷರು , ಉಪಾಧ್ಯಕ್ಷರು , ಸದಸ್ಯರು ಇದ್ದೇವೆ ಎಂದು ಹೇಳಿಕೊಂಡು ಇ.ಓ ಮತ್ತು ಎ.ಸಿ ಅಧಿಕಾರಿಗಳಿಗೆ ಭೇಟಿ ಮಾಡಿ ಅವರ ಮೇಲೆ ರಾಜಕೀಯ ವ್ಯಕ್ತಿಗಳಿಂದ ಒತ್ತಡ ಹೇರಿಸಿ ಪಿ.ಡಿ.ಓ ರವರನ್ನು ನಮ್ಮ ಸಮ್ಮುಖದಲ್ಲಿ ಪಂಚಾಯತ ಕಛೇರಿಗೆ ಬಂದು ಚಾರ್ಜ್ ನೀಡಿ ಎಂದು ಅಧಿಕಾರಿಗಳ ಮೇಲೆ ಒತ್ತಡ ಹೇರಿಸುತ್ತಿದ್ದಾರೆ.
ಈ ವಿಷಯ ಕುರಿತು ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷರು ಹಾಗೂ ಸದಸ್ಯರು. ತಾಲೂಕಾ ಪಂಚಾಯತ ಕಾರ್ಯನಿರ್ವಾಹಕ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ.