ಬೀದರ್: ಜಿಲ್ಲೆಯ RFO ಮನೆಯಲ್ಲಿ ಅಪಾರ ಪ್ರಮಾಣದ ಆಭರಣ ಪತ್ತೆಯಾಗಿದ್ದು, ರಿವಾಲ್ವಾರ್, ಮದ್ಯದ ಬಾಟಲಿಗಳೂ ರೇಡ್ ವೇಳೆ ಪತ್ತೆಯಾಗಿವೆ. ಕಲಬುರಗಿಯಲ್ಲಿರುವ ಬಸವರಾಜ್ ಡಾಂಗೆ ಮನೆಯಲ್ಲಿ ಪತ್ತೆ ನಡೆದಿದ್ದು, ಬಸವರಾಜ್ ಡಾಂಗೆ ಅವರು ಬೀದರ್ ವಲಯ ಅರಣ್ಯಾಧಿಕಾರಿಯಾಗಿದ್ದಾರೆ.
ಕೋಟಿ-ಕೋಟಿ ಬೆಲೆ ಬಾಳುವ ಆಸ್ತಿ ಸಂಬಂಧದ ದಾಖಲೆಗಳನ್ನು ಲೋಕಾ ಅಧಿಕಾರಿಗಳು ವಶಕ್ಕೆ ಪಡೆದಿದ್ದು, ಮಾಕಾ ಲೇಔಟ್ನಲ್ಲಿ ಕೋಟಿ ಬೆಲೆ ಬಾಳು ಎರಡು ಅಂತಸ್ತಿನ ಬಂಗಲೆ ಇದೆ.
ವಿಜಯಪುರ ಜಿಲ್ಲೆ ನಾಗರಹಳ್ಳಿಯಲ್ಲಿ 7 ಎಕರೆ ನೀರಾವರಿ ಜಮೀನು, 300 ಗ್ರಾಂಗೂ ಹೆಚ್ಚು ಚಿನ್ನದ ಆಭರಣ, ಬೆಳ್ಳಿ ಆಭರಣ ಪತ್ತೆಯಾಗಿದೆ. ಕಾಳಗಿ ತಾಲೂಕಿನಲ್ಲಿ ಒಂದೂವರೆ ಎಕರೆ ಭೂಮಿಗೆ ಸಂಬಂಧಿಸಿದ ದಾಖಲೆ, ಬೇನಾಮಿ ಹೆಸರಿನಲ್ಲಿ ಕಾರ್ ಸೇರಿ ಹಲವು ವಾಹನಗಳು ಲೋಕಾ ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ. ಇದೇ ವೇಳೆ ಪರವಾನಗಿ ಹೊಂದಿರುವ ಒಂದು ರಿವಾಲ್ವಾರ್ ಪತ್ತೆಯಾಗಿದೆ. ಬಸವರಾಜ್ ಡಾಂಗೆ ಮನೆ ಲೋಕಾ ಟೀಂ ಪರಿಶೀಲನೆ ಮಾಡುತ್ತಿದೆ.
ವರದಿ:ಯೋಹಾನ್ ಪಿ ಹೊನ್ನಡ್ಡಿ ಬೀದರ್