ಚಿಕ್ಕ ವಯಸ್ಸಿನಲ್ಲೇ ಕಲರ್ಸ್ ಕನ್ನಡದ ‘ನನ್ನಮ್ಮ ಸೂಪರ್ ಸ್ಟಾರ್’ ಅಂತಹ ದೊಡ್ಡ ವೇದಿಕೆ ಏರಿ ಯಾವುದೇ ಅಂಜಿಕೆ ಇಲ್ಲದೆ ಮಾತನಾಡುವುದು ಅಷ್ಟು ಸುಲಭದ ಮಾತಲ್ಲ.
ಚಿಕ್ಕ ವಯಸ್ಸಿಗೆ ದೊಡ್ಡ ಮಟ್ಟದಲ್ಲಿ ಗುರುತಿಸಿಕೊಳ್ಳುವುದು ಕೂಡ ಅನೇಕರಿಂದ ಸಾಧ್ಯವಾಗುವುದಿಲ್ಲ. ಆರನೇ ವಯಸ್ಸಿಗೆ ಇವೆರಡನ್ನೂ ಮಾಡಿ ತೋರಿಸಿದ್ದಳು ಸಮನ್ವಿ.
ಕಿರುತೆರೆ ನಟಿ ಅಮೃತಾ ನಾಯ್ಡು ಮಗಳು ಸಮನ್ವಿನನ್ನಮ್ಮ ಸೂಪರ್ ಸ್ಟಾರ್’ ವೇದಿಕೆ ಮೂಲಕ ಸಾಕಷ್ಟು ಖ್ಯಾತಿ ಗಳಿಸಿಕೊಂಡಿದ್ದಳು.
ಆದರೆ, ಆರಂಭದಲ್ಲೇ ಅವಳ ಪಯಣ ಅಂತ್ಯವಾಗಿದೆ. ಜನವರಿ 13ರಂದು ಬೆಂಗಳೂರಿನಲ್ಲಿ ನಡೆದ ಭೀಕರ ರಸ್ತೆ ಅಪಘಾತದಲ್ಲಿ ಆಕೆ ಮೃತಪಟ್ಟಿದ್ದಾಳೆ. ಶುಕ್ರವಾರ (ಜನವರಿ 14) ಸಮನ್ವಿ ಅಂತ್ಯಕ್ರಿಯೆ ನೆರವೇರಿತ್ತು. ಇಂದು (ಜನವರಿ 16) ಸಮನ್ವಿ ಅಸ್ತಿಯನ್ನು ಕಾವೇರಿಯಲ್ಲಿ ವಿಸರ್ಜನೆ ಮಾಡಲಾಗಿದೆ.