ಬೆಂಗಳೂರು : ದಿನ ಮತ್ತು ವಾರದ ಲೆಕ್ಕದಲ್ಲಿ ಭಾರೀ ಲಾಭ ನೀಡುವ ಆಮಿಷವೊಡ್ಡಿ ರಾಜ್ಯದ ಲಕ್ಷಾಂತರ ಮಂದಿಗೆ 250 ರಿಂದ 300 ಕೋಟಿ ರೂಪಾಯಿ ವಂಚನೆ ಮಾಡಿದ ಚೀನಾ ಮೂಲದ ಆನ್ ಲೈನ್ ಸಂಸ್ಥೆ ಎಂದು ಆರೋಪಿಸಲಾಗಿದೆ .
ಅನಸ್ ಅಹಮ್ಮದ್ ಈ ವಂಚನೆ ಜಾಲದ ಕಿಂಗ್ ಪಿನ್ ಎಂದು ಗುರುತಿಸಲಾಗಿದೆ . ಆರೋಪಿ ಅಹಮ್ಮದ್ ಚೀನಾ ಮಹಿಳೆಯನ್ನು ಮದುವೆಯಾಗಿದ್ದು , ಪತ್ನಿ ಹು ಕ್ರಿಯೋಲೀನ್ ಈ ನಕಲಿ ಕಂಪನಿ ಸ್ಥಾಪಿಸಿದ್ದಾಳೆ ಎಂದು ಆರೋಪಿಸಲಾಗಿದೆ .
ಪವರ್ ಬ್ಯಾಂಕ್ ಹೆಸರಿನಲ್ಲಿ ಕಾರ್ಯಾಚರಿಸುತ್ತಿದ್ದ ಆನ್ ಲೈನ್ ಸಂಸ್ಥೆ ಈ ರೀತಿಯ ವಂಚನೆ ಎಸಗಿದೆ ಎಂದು ರೇಜೋರ್ ಪೇ ಕಂಪನಿಯ ಪ್ರತಿನಿಧಿ ಅಭಿಷೇಕ್ ಅಭಿನವ್ ಆನಂದ್ ಪೊಲೀಸರಿಗೆ ದೂರು ನೀಡಿದ್ದಾರೆ . ಈ ಸಂಬಂಧ ಸಿಐಡಿಯ ಸೈಬರ್ ಕ್ರೈಂ ವಿಭಾಗಕ್ಕೆ ದೂರು ನೀಡಲಾಗಿದೆ . ಪೊಲೀಸರು ನೋಟಿಸ್ ನೀಡಿದ್ದರೂ ಆರೋಪಿಗಳು ಉತ್ತರಿಸಿಲ್ಲ.