ಅನಿಲ್ ಕಪೂರ್ ಮನೆಯಲ್ಲಿ ಮದುವೆ ಸಂಭ್ರಮ

ಮುಂಬೈ : ಬಾಲಿವುಡ್ ನಟ ಅನಿಲ್ ಕಪೂರ್ ಹಾಗೂ ಸುನೀತಾ ಕಪೂರ್ ದಂಪತಿಯ ಪುತ್ರಿ ರಿಯಾ ಕಪೂರ್ ಇಂದು ಸಪ್ತಪದಿ ತುಳಿಯಲಿದ್ದಾರೆ.ಅನಿಲ್ ಕಪೂರ್ ಅವರ ಜುಹು ಮನೆಯಲ್ಲಿ ಈ ಮದುವೆ ಸಮಾರಂಭ ನಡೆಯಲಿದ್ದು, ಕೆಲವೇ  ಕುಟುಂಬಸ್ಥರು, ಆತ್ಮೀಯರಿಗೆ

ಆಹ್ವಾನಿಸಲಾಗಿದೆ. ಮೂರು ದಿನಗಳ ಕಾಲ ಮದುವೆ ಸಂಭ್ರಮ ನಡೆಯಲಿದೆ ಎಂದು ತಿಳಿಸಿದ್ದಾರೆ .

ಅನಿಲ್ ಕಪೂರ್ ಅವರ ಮನೆ  ವಿಧ ವಿಧವಾದ ಬಣ್ಣಗಳ ಬೆಳಕು, ಹೂವಿನ ಅಲಂಕಾರದಿಂದ ಮನೆಕಂಗೋಳಿಸುತ್ತಿದ್ದೂ . ಅನೇಕರು ಮನೆಯನ್ನು ಸಿಂಗಾರ ಮಾಡುತ್ತಿದ್ದಾರೆ. ಮನೆಯ ಮುಂದೆ ಶಾಸ್ತ್ರಗಳು ನಡೆಯುತ್ತಿವೆ. ವರ್ಷಗಳಿಂದ ಪತಿಯ ಜೊತೆ ನಟಿ ಸೋನಂ ಕಪೂರ್ ಅವರು ಲಂಡನ್‌ನಲ್ಲಿ ನೆಲೆಸಿದ್ದಾರೆ. ಸಹೋದರಿ ಮದುವೆ ಸಲುವಾಗಿಯೇ ಕಳೆದ ತಿಂಗಳು ಪತಿ ಆನಂದ್ ಅಹುಜಾ ಜೊತೆ ನಟಿ ಸೋನಂ ಕಪೂರ್ ಮುಂಬೈಗೆ ಬಂದಿಳಿದಿದ್ದಾರೆ.

ರಿಯಾ ಅವರು ಕರಣ್ ಬೂಲಾನಿಯನ್ನು 13 ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರು. ಕರಣ್ ಬೂಲಾನಿ ಅವರು ನಿರ್ದೇಶಕರಾಗಿದ್ದು, ಅನೇಕ ಜಾಹೀರಾತುಗಳನ್ನು ಮಾಡಿದ್ದಾರೆ. ಅಷ್ಟೇ ಅಲ್ಲದೆ ‘ಐಷಾ’, ‘ವೇಕಪ್ ಸಿದ್’ ಸಿನಿಮಾದಲ್ಲಿಯೂ ಕೆಲಸ ಮಾಡಿದ್ದು, ಆ ಚಿತ್ರಗಳಿಗೆ ರಿಯಾ ಅವರೇ ಹಣ ಹೂಡಿದ್ದರು. ಈ ಹಿಂದೆ ಅನಿಲ್ ಕಪೂರ್ ಕುಟುಂಬದ ಅನೇಕ ಕಾರ್ಯಕ್ರಮಗಳಲ್ಲಿ ಕರಣ್ ಹಾಜರಿ ಹಾಕುತ್ತಿದ್ದರು.

ರಿಯಾ ಕಪೂರ್ ನಿರ್ಮಾಪಕಿ, ಉದ್ಯಮಿ, ಫ್ಯಾಷನ್ ಸ್ಟೈಲಿಸ್ಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಸೋನಂ ಹಾಗೂ ರಿಯಾ ಅವರದ್ದೇ ಆದ ಬ್ರ್ಯಾಂಡ್ ಇದೆ. 2010ರಲ್ಲಿ ‘ಐಷಾ’ ಸಿನಿಮಾ ಮೂಲಕ ನಿರ್ಮಾಪಕಿ ಸ್ಥಾನಕ್ಕೆ ಏರಿದ ರಿಯಾ ಅವರು ಪುರುಷ ಪ್ರಧಾನ ಸಮಾಜದಲ್ಲಿ ನಿರ್ಮಾಪಕಿಯಾಗಿ ಕೆಲಸ ಮಾಡೋದು ಎಷ್ಟು ಕಷ್ಟ ಎಂದು ಈ ಹಿಂದೆ ನೀಡಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು. ‘ಖೂಬ್‌ಸೂರತ್’, ‘ವೀರೆ ದಿ ವೆಡ್ಡಿಂಗ್’ ಸಿನಿಮಾಕ್ಕೂ ರಿಯಾ ಹಣ ಹೂಡಿದ್ದರು.