ಚಿತ್ರರಂಗದ ಹಿಡಿದಿದ್ದ ಕೋವಿಡ್ ಗ್ರಹಣ ಮುಕ್ತಾಯವಾಗಿದೆ. ಇಂದಿನಿಂದ ಹೌಸ್ ಫುಲ್ ಪ್ರದರ್ಶನ ಆರಂಭವಾಗಲಿದೆ. ಸ್ಯಾಂಡಲ್ ವುಡ್ ಅಂಗಳದಲ್ಲಿ ಮತ್ತೆ ಭರ್ಜರಿ ಸಂಭ್ರಮ, ಶಿಳ್ಳೆ ಮೊಳಗಲಿದೆ.
ಕೊರೋನಾ ಎರಡನೇ ಅಲೆಯ ಬಳಿಕ 5 ತಿಂಗಳ ನಂತರ 100% ಆಸನ ಭರ್ತಿಗೆ ಅವಕಾಶ ಸಿಕ್ಕಿದೆ. ಹೀಗಾಗಿ ಬೆಂಗಳೂರಿನ ಗಾಂಧಿನಗರದಲ್ಲಿ ಮತ್ತೆ ಹಬ್ಬದ ಸಡಗರ ಸಂಭ್ರಮ ಮನೆಮಾಡಿದೆ.
ಏಪ್ರಿಲ್ 1ರಂದು ತೆರೆಕಂಡಿದ್ದ ಪವರ್ ಸ್ಟಾರ್ ಪುನೀತ್ ನಟನೆ ಯುವರತ್ನ ಸಿನಿಮಾಗೆ, ಮೂರೇ ದಿನದಲ್ಲಿ ಶಾಕ್ ಕೊಟ್ಟಿತ್ತು ಸರ್ಕಾರ. ಅದಾದ ನಂತರ 5 ತಿಂಗಳ ಬಳಿಕ ಇಂದಿನಿಂದ ಮತ್ತೆ ಬೆಳ್ಳಿಪರದೆಗೆ ಹೊಸ ರಂಗು ಬರಲಿದೆ.
ಸಾಕಷ್ಟು ಸಿನೆಮಾಗಳು ಬಿಡುಗಡೆಗೆ ಸಾಲುಗಟ್ಟಿದೆ. ಹೊಸಬರು, ಸ್ಟಾರ್ ಗಳು ಸಿನಿಜಾತ್ರೆ ಮಾಡಲು ಸಿದ್ಧರಾಗಿದ್ದಾರೆ. ಇನ್ನೇನಿದ್ದರು ಪ್ರೇಕ್ಷಕರು ಬಿಡುವು ಮಾಡಿಕೊಂಡು ಸಿನೆಮಾ ನೋಡಿ ಸಂತೋಷ ಪಡುವುದೊಂದೇ ಬಾಕಿ ಇದೆ.