ಆಶಿಕಾ ರಂಗನಾಥ ಫುಲ್ ಬೋಲ್ಡ್ ಲುಕ್

 ಬೆಂಗಳೂರು : ಮುಗುಳುನಗೆ, ರ್ಯೊಂಬೊ-2 ಸಿನಿಮಾಗಳ ಮೂಲಕ ಕನ್ನಡ ಚಿತ್ರಾಭಿಮಾನಿಗಳ ಗಮನ ಸೆಳೆದಿರುವ ನಟಿ ಆಶಿಕಾಗೆ ಇಂದು ವಿಶೇಷವಾದ ದಿನ. ಹೌದು,  ಆಗಸ್ಟ್ 5 ನಟಿ ಆಶಿಕಾ ರಂಗನಾಥ್ ಹುಟ್ಟಿದ್ದ ದಿನ. ಅಭಿಮಾನಿಗಳು, ಸಿನಿಮಾರಂಗದ ಗಣ್ಯರು ಮತ್ತು ಆತ್ಮೀಯರಿಂದ ಹುಟ್ಟುಹಬ್ಬ ಶುಭಾಶಯಗಳ ಸುರಿಮಳೆಯೇ ಹರಿದುಬರುತ್ತಿದೆ.

ಇಂದು ಹುಟ್ಟುಹಬ್ಬದ ದಿನವೇ ಆಶಿಕಾ ವಿಭಿನ್ನ ಗೆಟಪ್ ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಸಿಗರೇಟು ಸೇದುತ್ತಾ ಅಭಿಮಾನಿಗಳ ಮುಂದೆ ಬಂದಿರುವ ಆಶಿಕಾ ತನ್ನ ಮತ್ತೊಂದು ಮುಖವನ್ನು ಪರಿಚಯಿಸಿದ್ದಾರೆ. ಅಂದಹಾಗೆ ಇದು ‘ಮದಗಜ’ ಸಿನಿಮಾದ ಸಿನಿಮಾದ ಪೋಸ್ಟರ್. ಶ್ರೀಮುರಳಿ ನಾಯಕನಾಗಿ ನಟಿಸುತ್ತಿರುವ ‘ಮದಗಜ’ ಚಿತ್ರದಲ್ಲಿ ಆಶಿಕಾ ನಾಯಕಿಯಾಗಿ ನಟಿಸುತ್ತಿದ್ದಾರೆ

ಈಗಾಗಲೇ ‘ಮದಗಜ’ ಚಿತ್ರದಿಂದ ಆಶಿಕಾ ಅವರ ಹಳ್ಳಿ ಲುಕ್ ಬಿಡುಗಡೆಯಾಗಿತ್ತು. ಮುಗ್ಧ ಹುಡುಗಿಯ ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದ ಆಶಿಕಾ ದಿಢೀರ್ ಅಂತ ಬೋಲ್ಡ್ ಅವತಾರ ತಾಳಿರುವುದು ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದೆ. ಅಂದಹಾಗೆ ಆಶಿಕಾ ಇದುವರೆಗೂ ಈ ರೀತಿಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿರಲಿಲ್ಲ. ಗ್ಲಾಮರ್ ಜೊತೆಗೆ ಸೀದಸಾದ ಹುಡುಗಿಯಾಗಿ ತೆರೆಮೇಲೆ ಬರುತ್ತಿದ್ದ ಆಶಿಕಾ ಇದೀಗ ಸಿಗರೇಟ್ ಹಿಡಿದು ಶಾಕ್ ನೀಡಿದ್ದಾರೆ.