ವಾಷಿಂಗ್ಟನ್: ಅಮೆರಿಕದ ಮಧ್ಯಪಶ್ಚಿಮ ರಾಜ್ಯವಾದ ಮಿನ್ನೇಸೋಟದ ಮೊಂಟಿಸೆಲ್ಲೋದಲ್ಲಿನ ಪರಮಾಣು ವಿದ್ಯುತ್ ಸ್ಥಾವರದಿಂದ ಸುಮಾರು 400,000 ಗ್ಯಾಲನ್ ವಿಕಿರಣಶೀಲ ನೀರು ಸೋರಿಕೆಯಾಗಿದೆ ಎಂಬ ವಿಷಯ ಬಹಿರಂಗವಾಗಿದೆ.
ಮೊಂಟೆಸೆಲ್ಲೊ ಪರಮಾಣು ಸ್ಥಾವರದಲ್ಲಿ ಟ್ರಿಟಿಯಂನಿಂದ ಕಲುಷಿತವಾಗಿರುವ ನೀರಿನ ಬಿಡುಗಡೆಯಾಗಿರುವ ಬಗ್ಗೆ ರಾಜ್ಯ ಏಜೆನ್ಸಿಗಳು ಮೇಲ್ವಿಚಾರಣೆ ನಡೆಸುತ್ತಿವೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಅಂತರ್ಜಲ ಗುಣಮಟ್ಟ ಮೇಲ್ವಿಚಾರಣೆಯ ಸಮಯದಲ್ಲಿ ಅಸಾಮಾನ್ಯ ಫಲಿತಾಂಶಗಳನ್ನು ಕಂಡುಕೊಂಡ ನಂತರ ನವೆಂಬರ್ 2022 ರ ಕೊನೆಯಲ್ಲಿ ಮಿನ್ನೇಸೋಟ ಡ್ಯೂಟಿ ಆಫೀಸರ್ ಮತ್ತು ಯುಎಸ್ ನ್ಯೂಕ್ಲಿಯರ್ ರೆಗ್ಯುಲೇಟರಿ ಕಮಿಷನ್ಗೆ ಸೋರಿಕೆಯಾಗಿರುವ ಬಗ್ಗೆ ವರದಿ ಮಾಡಲಾಗಿದೆ.
ವಿಕಿರಣಶೀಲ ನೀರಿನ ಸೋರಿಕೆ ವಿಷಯ ನಾಲ್ಕು ತಿಂಗಳ ಬಳಿಕ ತಿಳಿದುಬಂದಿದ್ದು, ಸಾರ್ವಜನಿಕ ಸುರಕ್ಷತೆ ಮತ್ತು ಪಾರದರ್ಶಕತೆಯ ಬಗ್ಗೆ ಕಳವಳವನ್ನು ಹುಟ್ಟುಹಾಕಿದೆ. ಸೋರಿಕೆಯನ್ನು ಈಗಾಗಲೇ ನಿಲ್ಲಿಸಲಾಗಿದ್ದು, ಮಿಸಿಸಿಪ್ಪಿ ನದಿ ಅಥವಾ ನೀರಿನ ಮೂಲಗಳನ್ನು ತಲುಪಿಲ್ಲ ಎಂದು MPCA ಸುದ್ದಿ ಪ್ರಕಟಣೆಯಲ್ಲಿ ತಿಳಿಸಿದೆ. ಟ್ರಿಟಿಯಮ್ ಹೈಡ್ರೋಜನ್ನ ನೈಸರ್ಗಿಕ ವಿಕಿರಣಶೀಲ ರೂಪವಾಗಿದೆ. ಇದು ಪರಮಾಣು ವಿದ್ಯುತ್ ಸ್ಥಾವರಗಳಿಂದ ವಿದ್ಯುತ್ ಉತ್ಪಾದನೆಯ ಉಪಉತ್ಪನ್ನವಾಗಿದೆ.