ಹೈದರಾಬಾದ್: ಪ್ರಸ್ತುತ ಮೂನ್‌ ಲೈಟಿಂಗ್‌ ಐಟಿ ಬಿಟಿ ಕ್ಷೇತ್ರದಲ್ಲಿ ಪ್ರಚಲಿದಲ್ಲಿರುವ ಪದ. ಒಂದು ಸಂಸ್ಥೆಯಲ್ಲಿ ಕೆಲಸ ನಿರ್ವಹಿಸುತ್ತಿರವಾಗಲೇ ಇನ್ನೊಂದು ಸಂಸ್ಥೆಯಲ್ಲಿ ಉದ್ಯೋಗದಲ್ಲಿರುವ ವಿಭಿನ್ನ ಪದ್ಧತಿಗೆ ಮೂನ್‌ ಲೈಟಿಂಗ್‌ ಎಂಬ ಹೆಸರಿದೆ. ಕೋವಿಡ್ ಬಳಿಕ ಈ ಪದ್ಧತಿ ವ್ಯಾಪಕವಾಗಿದೆ. ಅನೇಕ ಬಹುರಾಷ್ಟ್ರೀಯ ಕಂಪನಿಗಳು ಈ ವಿಷಯದ ಕುರಿತು ವಿವಿಧ ಆದೇಶಗಳನ್ನು ಹೊರಡಿಸಿದ್ದು, ಅನೇಕರು ಉದ್ಯೋಗ ಕಳೆದುಕೊಂಡಿದ್ದಾರೆ.
ಮೂನ್‌ಲೈಟ್‌ನಿಂದ ಮೆದುಳು ಮತ್ತು ಹೃದಯ ಸಂಬಂಧಿ ಕಾಯಿಲೆಗಳಿಗೆ ಕಾರಣವಾಗುತ್ತಿದೆ ಎಂದು ಹೈದ್ರಾಬಾದ್‌ನ ವೈದ್ಯರು ಎಚ್ಚರಿಕೆ ನೀಡಿದ್ದಾರೆ. ದೇಶದ ಪ್ರಮುಖ ಐಟಿ ತಾಣವಾಗಿರುವ ಹೈದರಾಬಾದ್ ಲಕ್ಷಾಂತರ ತಂತ್ರಜ್ಞಾನ ವೃತ್ತಿಪರರಿಗೆ ನೆಲೆಯಾಗಿದೆ. ಈ ನಗರದಲ್ಲಿ ಒಂದಕ್ಕಿಂತ ಹೆಚ್ಚು ಕಂಪನಿಗಳಲ್ಲಿ ಕೆಲಸ ಮಾಡುವ ಸಾವಿರಾರು ವೃತ್ತಿಪರರಿದ್ದಾರೆ.
“ನಾವು ಬ್ರೈನ್ ಸ್ಟ್ರೋಕ್, ಹೃದಯಾಘಾತದಿಂದ ಬಳಲುತ್ತಿರುವ ಹಲವರಿಗೆ ಚಿಕಿತ್ಸೆ ನೀಡಿದ್ದೇವೆ. ಪಾರ್ಶ್ವವಾಯು ಅಥವಾ ಹೃದಯಾಘಾತದಂತಹ ಹಲವು ಪ್ರಕರಣದ ರೋಗಿಗಳು ಮೂನ್‌ಲೈಟಿಂಗ್‌ ಕ್ಷೇತ್ರದಲ್ಲಿ ಇದ್ದವರು ಎಂದು ಉಚ್ಚ್ವಾಸ್ ಟ್ರಾನ್ಸಿಶನಲ್‌ಕೇರ್‌ ಫಿಸಿಕಲ್ ಮೆಡಿಸಿನ್ ಮುಖ್ಯಸ್ಥ ವಿಜಯ್ ಬಥಿನಾ ತಿಳಿಸಿದ್ದಾರೆ.
ರೋಗಿಗಳಲ್ಲರೂ ಐಟಿ ವೃತ್ತಿಪರರು, ಅವರೆಲ್ಲರೂ ಒಂದಕ್ಕಿಂತ ಹೆಚ್ಚು ಕೆಲಸಗಳನ್ನು ಮಾಡುತ್ತಿದ್ದರು, ಅವರೆಲ್ಲರೂ ವಾರಕ್ಕೆ 60 ಗಂಟೆಗಳಿಗಿಂತ ಹೆಚ್ಚು ಕಾಲ ಕೆಲಸ ಮಾಡುತ್ತಿದ್ದರು. ತಡರಾತ್ರಿಯವರೆಗೆ ಕೆಲಸ ಮಾಡುತ್ತಿದ್ದರು ಎಂದು ಅವರು ವಿವರಿಸಿದ್ದಾರೆ.
