ಜೀರ್ಣಕ್ರಿಯೆ ಉತ್ತಮವಾಗಿದ್ದಲ್ಲಿ ಅಲರ್ಜಿಯಿಂದ ದೂರವಿರಬಹುದು

ಸಾಮಾನ್ಯವಾಗಿ ಎಲ್ಲಾ ವಯಸ್ಸಿನವರನ್ನು ಕಾಡುವ ಸಮಸ್ಯೆಯೆಂದರೆ ಅಲರ್ಜಿ ಅದರಲ್ಲೂ ಸೀನುವಿಕೆ, ಬೆಳಂಬೆಳಗ್ಗೆ ಎದ್ದ ಕೂಡಲೇ ಸುಮಾರು ಹತ್ತರಷ್ಟು ಸೀನುವುದು ಸಾಮಾನ್ಯವಾಗಿ ಹೆಚ್ಚಿನ ಜನರಲ್ಲಿ ಕಾಣಸಿಗುತ್ತದೆ. ಇದಕ್ಕೆ ಕಾರಣಗಳು ಬಹಳ ಇವೆ.

ಸಾಧಾರಣವಾಗಿ ನಮ್ಮ ದೇಹದ ಜೀರ್ಣಕ್ರಿಯೆಯೂ ದೇಹದಲ್ಲಾಗುವ ಪ್ರತಿ ಬದಲಾವಣೆಗೆ ಕಾರಣವಾಗಿರುತ್ತದೆ. ಜೀರ್ಣಕ್ರಿಯೆಯೂ ಉತ್ತಮವಾಗಿದ್ದರೆ ಇಂತಹ ಸಮಸ್ಯೆಗಳಿಂದ ದೂರವಿರಬಹುದು. ಎನ್ನುತ್ತಾರೆ ಮೂಡಬಿದ್ರೆಯ ಕಾಕುಂಜೆ ವೆಲ್ ನೆಸ್ ಕ್ಲಿನಿಕ್ ನ ವೈದ್ಯ ಡಾ. ಅನುರಾಧ.

ಆಯುರ್ವೇದದ ಪ್ರಕಾರ ನಮ್ಮ ಇಡೀ ದೇಹವು ಒಂದೇ ಮುಖ್ಯ ಭಾಗವಾಗಿ ತನ್ನ ಪ್ರತಿ ಕೆಲಸವನ್ನೂ ಮಾಡುತ್ತದೆ.ಅದೇ ರೀತಿ ನಮ್ಮ ಜೀರ್ಣಕ್ರಿಯೆಯೂ ಒಂದಕ್ಕೊಂದು ಪೂರಕವಾಗಿ ಕಾರ್ಯವನ್ನು ಮಾಡುತ್ತದೆ.

ಸಾಮಾನ್ಯವಾಗಿ ಈ ಸೀನುವಿಕೆ ಅಲರ್ಜಿಯೂ ನಮ್ಮ ದೇಹದ ಜೀರ್ಣಕ್ರಿಯೆಗೆ ಸಂಬಂಧಿಸಿದ ವ್ಯವಸ್ಥೆ ಸರಿಯಾಗಿ ಕೆಲಸ ಮಾಡದೆ ಇದ್ದಾಗ ಈ ಸಮಸ್ಯೆ ಹೆಚ್ಚಾಗಿ ಕಾಡುತ್ತದೆ. ಹಸಿವಿಲ್ಲದಿರುವುದು ಹೊಟ್ಟೆ ಉಬ್ಬರ ಗಳಂತಹ ಸಮಸ್ಯೆ ಇದ್ದರೆ ಸೀನುವಿಕೆ ಅಲರ್ಜಿ ಕಾಣಸಿಗುತ್ತದೆ.

ಮೊದಲನೇದಾಗಿ ಇಂತಹ ಸಮಸ್ಯೆಗೆ ಔಷಧಿ ತೆಗೆದುಕೊಳ್ಳುವ ಮೊದಲು ಈ ಸಮಸ್ಯೆಯು ಯಾವುದರಿಂದ ಬಂದಿದೆ ಎನ್ನುವುದನ್ನು ತಿಳಿದುಕೊಳ್ಳಬೇಕು ಎನ್ನುತ್ತಾರೆ ಡಾ. ಅನುರಾಧ.ಅದೇ ರೀತಿ ಸಮಸ್ಯೆಗೂ ರೋಗನಿರೋಧಕ ಶಕ್ತಿ ಕಡಿಮೆ ಇರುವವರಲ್ಲಿಯೂ ಕಾಣಿಸಿಕೊಳ್ಳುತ್ತದೆ.
ಈ ಸಮಸ್ಯೆಗೆ ಯಾವುದೇ ರೀತಿಯ ಔಷಧಿ ಸೇವನೆ ಮಾಡಿದರು ಸಮಸ್ಯೆ ಕಡಿಮೆಯಾಗದೇ ಇರುವುದಕ್ಕೆ ‌ಮುಖ್ಯ ಕಾರಣವೇ ಅದರ ‌ಮೂಲ ಸಮಸ್ಯೆಯನ್ನು ತಿಳಿದುಕೊಳ್ಳದೆ ಇರುವುದು.ಆಯುರ್ವೇದದ ಚಿಕಿತ್ಸೆಯಲ್ಲಿ ಈ ಸಮಸ್ಯೆಯನ್ನು ನಸ್ಯ ಚಿಕಿತ್ಸೆಯಿಂದ ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಬಹುದು. ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಿಕೊಳ್ಳಬಹುದು. ರೋಗನಿರೋಧಕ ಶಕ್ತಿ ಹೆಚ್ಚಲು ಚವನ್ ಪ್ರಶ್ ಲೇಹ ವೈದ್ಯರ ಸಲಹೆ ಮೇರೆಗೆ ಸೇವಿಸುವುದರಿಂದಲೂ ಸಮಸ್ಯೆಯಿಂದ ದೂರವಿರಬಹುದು ಎನ್ನುತ್ತಾರೆ.