ಮಹಿಳೆಯರ ಮುಟ್ಟಿನ ದಿನಗಳಲ್ಲಿ ಆಹಾರದ ಬಗ್ಗೆ ವಿಶೇಷವಾಗಿ ಗಮನ ನೀಡಬೇಕಾಗುತ್ತದೆ. ಆ ದಿನಗಳಲ್ಲಿ ಹೆಚ್ಚಾಗಿ ತಿನ್ನಲು ಆಸೆಯಾಗುವುದು ತೀರಾ ಸಾಮಾನ್ಯ ಹೀಗಾಗಿ ನಾವು ತಿನ್ನುವ ಆಹಾರಗಳು ಹೇಗಿರಬೇಕು ಹಾಗೂ ಯಾವ ಆಹಾರಗಳನ್ನು ಸೇವಿಸಬೇಕು ಎನ್ನುವುದನ್ನು ನೋಡೋಣ.
ಆಯುರ್ವೇದದಲ್ಲಿ ಹುಳಿ, ಉಪ್ಪು, ಕಹಿ ಹಾಗೂ ಕಷಾಯ ಹೊಂದಿರುವಂತಹ ಆಹಾರಗಳನ್ನು ಮುಟ್ಟಿನ ಸಮಯದಲ್ಲಿ ಸೇವಿಸದಿರುವುದು ಬಹಳ ಉಪಯುಕ್ತ.
ಮಧುರ ರಸ ಹೊಂದಿರುವ ಆಹಾರಗಳಾದ ಸಿಹಿ ಪದಾರ್ಥಗಳು, ಹಾಲಾನ್ನ, ಪಾಯಸ ಮುಂತಾದ ಸಹಿ ಅಂಶವಿರುವ ಆಹಾರ ಸೇವಿಸುವುದು ಉತ್ತಮ ಎಂದು ಕಾಕುಂಜೆ ಆಯುರ್ವೇದಿಕ್ ವೆಲ್‌ನೆಸ್ ಕ್ಲಿನಿಕ್ ನ ವೈದ್ಯೆ ಡಾ. ಅನುರಾಧ ಹೇಳುತ್ತಾರೆ.
ಮುಟ್ಟಿನ ಸಮಯದಲ್ಲಿ ನಮ್ಮ ದೇಹದಲ್ಲಿ ವಾತ ಮತ್ತು ಪಿತ್ತ ಎನ್ನುವ ಎರಡು ದೋಷಗಳು ಹೆಚ್ಚಾಗುತ್ತವೆ. ಹೀಗಾಗಿ ಇದನ್ನು ಸಮತೋಲನಗೊಳಿಸಲು ಈ ರೀತಿಯ ಮಧುರ ಆಹಾರಗಳನ್ನು ಸೇವಿಸಬೇಕು.
ತರಕಾರಿಗಳಲ್ಲಿ ಕುಂಬಳಕಾಯಿ, ಸೋರೆಕಾಯಿ, ಹೀರೆಕಾಯಿ, ಪಟ್ಲ ಮುಂತಾದ ತರಕಾರಿಗಳನ್ನು ನಮ್ಮ ಆಹಾರದಲ್ಲಿ ಸೇರಿಸುವುದು ಅವಶ್ಯಕ.
ಜೂಸ್‌ಗಳಲ್ಲಿ ಪುನರ್ಪುಳಿ, ಸೊಗತೆ ಬೇರಿನ ಜೂಸ್, ಜೀರಿಗೆ ಹಾಗೂ ಕೊತ್ತಬಂರಿ ಬೀಜ ಸೇರಿಸಿ ಕಷಾಯ ಮಾಡಿ ಕುಡಿಯುವುದರಿಂದ ದೇಹಕ್ಕೆ ತಂಪು ಹಾಗೂ ಹೊಟ್ಟೆ ನೋವುನ್ನು ಸಹ ಕಡಿಮೆಮಾಡುತ್ತದೆ.
ಇವುಗಳ ಜೊತೆಗೆ ಅನ್ನ, ಮೊಸರನ್ನವನ್ನು ಸೇವಿಸುವುದರಿಂದ ಮುಟ್ಟಿನ ದಿನಗಳಲ್ಲಿ ಮಹಿಳೆಯರ ಹೊಟ್ಟೆನೋವನ್ನು ಸಹ ಸ್ವಲ್ಪ ಪ್ರಮಾಣದಲ್ಲಿ ಕಡಿಮೆಗೊಳಿಸಬಹುದು.
ಸಾಧ್ಯವಾದಷ್ಟು ಪ್ರೊಸೆಸ್ಡ್ ಆಹಾರಗಳು, ಜಂಕ್ ಫುಡ್, ಚಿಪ್ಸ್, ಸಾಫ್ಟ್ ಡ್ರಿಂಕ್ , ಮುಂತಾದ ಬೇಕರಿ ಆಹಾರಗಳನ್ನು ಮುಟ್ಟಿನ ಸಮುಯದಲ್ಲಿ ಸೇವಿಸದಿರುವುದು ಉತ್ತಮ.
