ಜೈಪುರ: ರಾಜಸ್ಥಾನದ ಝಾಲಾವರ್‌ನಲ್ಲಿ ಅಂಗನವಾಡಿ ಕೇಂದ್ರ ಮತ್ತು ಸರ್ಕಾರಿ ಶಾಲೆಗಳಿಗೆ ರಾಜಸ್ಥಾನ ವೈದ್ಯಕೀಯ ಸೇವಾ ನಿಗಮವು ವಿತರಿಸಿದ ಸಾವಿರಾರು ಸ್ಯಾನಿಟರಿ ನ್ಯಾಪ್‌ಕಿನ್‌ಗಳು ಪಟ್ಟಣದ ಬಾಬಾಜಿ ಕಿ ತಲೈ ಪ್ರದೇಶದ ಬಳಿ ಸುಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿವೆ. ಅವುಗಳ ಮುಕ್ತಾಯ ದಿನಾಂಕ ಆಗಸ್ಟ್ 2025 ಆಗಿತ್ತು.
ಈ ಸ್ಯಾನಿಟರಿ ನ್ಯಾಪ್ಕಿನ್‌ಗಳನ್ನು ಆಟೋದಲ್ಲಿ ಅರಣ್ಯಕ್ಕೆ ತರಲಾಗಿದ್ದು, ನಂತರ ಸುಮಾರು 3,000 ಪ್ಯಾಕೆಟ್‌ಗಳನ್ನು ಸುಟ್ಟು ಹಾಕಲಾಗಿದೆ. ಈ ಬಗ್ಗೆ ಮಾಹಿತಿ ಪಡೆದು ವೈದ್ಯಕೀಯ ಇಲಾಖೆ ಮತ್ತು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಅಧಿಕಾರಿಗಳ ತಂಡ ಸ್ಥಳಕ್ಕೆ ಧಾವಿಸಿದೆ. ಆದರೆ, ಅಧಿಕಾರಿಗಳ ಆಗಮನಕ್ಕೆ ಮೊದಲೇ ಸಾಕ್ಷ್ಯ ನಾಶ ಮಾಡಲಾಗಿದೆ ಎಂದು ತಿಳಿದು ಬಂದಿದೆ.
ಉಡಾನ್ ಯೋಜನೆಯಡಿ 19 ರಿಂದ 45 ವರ್ಷದೊಳಗಿನ ಮಹಿಳೆಯರು ಮತ್ತು ಹುಡುಗಿಯರಿಗೆ ಉಚಿತ ಸ್ಯಾನಿಟರಿ ನ್ಯಾಪ್ಕಿನ್ ಗಳನ್ನು ವಿತರಿಸಲು ರಾಜ್ಯ ಸರ್ಕಾರವು ಉಪಕ್ರಮ ತೆಗೆದುಕೊಂಡಿತ್ತು.
